Page 10 - Сахаайа Ермолаева Тымтык күн

Бары кыттыгас автордар үйэлэрин устатыгар, биир
киһи да тыыннаах хааллаҕына, барыларын ааттарыттан
илии баттыыллар эбит...
Чопчу, кыыһым Сахаайа биһикки кыттыһан суруйам-
мыт, тугу туһанныбыт уонна ситистибит?
Бастакытынан, тиэмэни булуунан тубустубут. Мин
уруккуну ордук билэбин, кини билиҥҥини ордук билэр.
Иккиһинэн, урукку уонна билиҥҥи дьоннор (герой-
дар) сыһыаннарын, утарыта турсууларын эбэтэр соп
түбэсиһиилэрин арыйыыга туһанныбыт.
Үсүһүнэн, кыттыһыыбыт олоҕу научнайдык ырытан
өйдөөһүҥҥэ эмиэ көмөлөстө. Холобура, социализм уонна
ырыынак механизмнарын тэҥнээн көрүүгэ...
Төрдүһүнэн, урукку уонна билиҥҥи дьоннор тылларын
дьүөрэлээн (колориттаан) эбэтэр «бааһынайдыы» туттууга
бэйэ-бэйэбитигэр көмөлөстүбүт. Ол түмүгэр олох кыр-
дьыгын арыйыыга үчүгэйин биллибит.
Бэсиһинэн, сюжеты мин «нэстик» (бытааннык) сайын-
нарар эбит буоллахпына, Сахаайа түргэнник (тэтимнээх-
тик) сайыннарыыны киллэрдэ.
Итинтэн да атынтга кыттыһыыбыт үчүгэй өттүнэн
сабыдыаллаата.
Олор барыларын түмүгэр, 10-ча сыллар усталарыгар
маннык саҥа айымньылары суруйбуппут:
1. «Нуобай Дьокуут» (демократия ыччатын олоҕуттан
трагикомедия).
2. «Хара дьай» (алмааһы уорааччылар тустарынан тра­
гедия).
3. «Тахсан иһэн киирбит күн» (Степной дума туһунан
драма).
4. «Дьылҕа Хаан уонна Сылык Дархан» (Дыгын уонна
Лөгөй тустарынан драматическай поэма).
5. «Ксенофонтовщина эбэтэр ытыллыбыт ыра» (драма­
тическай поэма).
6. «Кырдьык генерала» (Күлүмнүүр туһунан драмати­
ческай поэма).
7. «Өксөкүлээх харыйа» (Г.П. Башарин туһунан поэ­
ма).
8. «Куударалаах кууруссалар» (наркоманияны утары
охсуһар анал сулууспа кыргыттарын тустарынан сэһэн).
9. «Өһүөн» (репрессия сабыытыйаларыттан трагедия).

8