Page 10 - Сахаайа Ермолаева Тыыннаах ырыа

Бастакы кэрчик.
ОЛОҔУМ ОҔОЛОРО (рубаилар)

Рубаи (араб. сл. — учетверенный) — четверостишие
в поэзии народов Востока, выражающее законченную
внутреннюю мысль, в которой рифмуются первая, вторая и
четвертая строки, третья остается без рифмы.

1 .

Хомотор, үөрдэр да хоһооннор —
Олохтон төрөөбүт оҕолор.
Ааҕааччы сүрэҕэр тиийэллэр —
Көҥүлгэ суолларын солооннор.

2.

Мин — олох оҕото эбиппин,
Олоччу куоппуйа киһибин.
Үчүгэй, куһаҕан көрүҥэр
Үүт-үкчү үтүктэн иһэбин.

3 .
Дьылҕабын түннүгүм кырыатын
Курдары одуулуу сатыыбын.
Тугу да көрбөппүн. Ол эрэн —
Кырыа-муус ууллуо дии саныыбын.

4.

Үйэбин батыһан сырсабын —
Үп-харчы кыланар кыыһабын.
Тыыйбын даа! Атыылаан аһыам дуо —
Хаарыаннаах күн сиэрдээх аналбын?!