Page 12 - Сахаайа Ермолаева Тыыннаах ырыа

11.

Бэйиэтиэм! Сөҕөбүн билиигин,
Дириҥээн ньүөлүтэр иэйиигин.
Ол эбит — эн көтөр кынатыҥ!
Эн миэхэ — холобур киһигин!

12.
Айылҕа, олох да кэрэтэ —
Кыыс уоллуун тапталын кэриэтэ.
Бу ини — истиҥник өйдөһүү,
Курдары өйөһүү бэлиэтэ?!

13.

Өһүөннээх сэниир дьон саҥата
Өрүүтүн сур бөрө буолбатах.
Саһыллыы сыһыантан арыт мин
Соругум сорҕото туолбата.

14.

Дьиктини санатта харан а —
Күһүҥҥү түүн сылаас ардаҕа.
Ыйдаҥа сырдыктаах хоһоонум
Тыллара таммалыыр, бадаҕа.

15.

Хайҕалтан — эбиллэн барбатым,
Сирииттэн — көҕүрээн хаалбатым.
Хайдахпын, баарбынан сыаналаан,
Кырдьыксыт бириэмэ быыһаатын.

16.

Үөһэҕэ чугас дьон бассыыбай
Сураҕы тиэрдэрэ — быраапсай
Сыанабыл курдуктук иһиллэр...
Кэм-кэрдии көннөрүө дуо арай?!

Ю