Page 14 - Сахаайа Ермолаева Тыыннаах ырыа

23.
Кыайбыт дьон үйэ саас кыайыахтаах,
Кырдьыгы эттэрбэт кырыктаах...
Мин аҕам олоҕо санатта—
Хоппукка кулут уол буолбуттаах.
24.

Кимнээҕий норуоппут туһугар
Дьыаланан туһаны аҕалар?
Ол — элбэх оҕолоох ыалларбыт...
Эстибэт эрэлбит — ол буолар!

25.

Киһини сыаналыыр буоллулар
Баайынан, харчынан... Ордугар —
Билсиитин, бөлөҕө бөҕөтүн...
Атына — дуоһунас хайдаҕар...

26.

Үөр сүөһү бас-баттах хаампыта,
Маныыһыт аһыы-сии барбыта...
Ыраахтан хаһыыта иһиллэр...
Хайҕыахха — унуохха харбатах!

27.

Олоҕу хараҥа быһыыттан
Быысаһар, харыстыыр санааттан
Сатирик суруйа сатаахтыыр...
Ордуо дуо өһүөннээх сойуоттан?..

28.

Айылҕам сорҕото буолабын,
Киниттэн бэйэбин булабын.
Сыыһыым да — ирбэтэх тоҥ мууспун;
Табыым да — чэлгиэн күөх кырыспын.

12