Page 63 - Сахаайа Ермолаева Тыыннаах ырыа
P. 63
5. ДЕПУТАТОМАНИЯ
Мин түгэхтээх практикпын —
Логичнайдык араатардыыбын,
Харчынан аҕытаасыйалыыбын,
Ыаллары кэрийэн обещайдыыбын...
Тииҥ өйдөөхпүн, саһыл сатабыллаахпын.
Туохха наадыйалларын таба туһанабын,
Ол иһин быыбардарга өрүү кыайабын...
Сөпкө ыйыттыҥ: «Тоҕо дьокутаакка дьулуһаҕын?»
Хоруйдуубун: «Бар дьон олоҕун тупсараарыбын!
Кыамматтары, тулаайахтары аһынабын —
Кинилэргэ сөп көмөнү туруорсабын;
Кыра хамнастаахха эмиэ кыһаллабын —
Уборщицаҕа, остуораска эбэри туруорсабын;
Улууспар оскуола туттарыахтаахпын
Уонна — таас суолу оҥорторуохтаахпын!
Кырдьык, урууларбын да умнубаппын —
Депутат фондатыттан харчы аныыбын!..
Сорохтор, тохтотуҥ, мин үрдүк хамнаспын —
Ордук санаан айдаараргытын —
Өйдөөҥ! Меценаттаары сылдьабын —
Өссө детсад туттарар былааннаахпын,
Онтон да атын мегапрограммалаахпын,
Бириэмэтэ аҕалыҥ — ону дьаһайа сылдьабын,
Уу тэстибэттик уураахтыыбын, сокуон таһаарабын,
Бэйэбэр буолбакка, норуоппар сулууспалыыбын!
* * *
«Несправедливость одинаково гнусна, совершает
одно лицо или множество лиц. Наша жизнь сокращается
корыстолюбием».
Герберт Спенсер (1820-1903) -
английский философ и социолог
61
