Page 59 - Сахаайа Ермолаева Тыыннаах ырыа
P. 59
1. ОБЩЕСТВО ЭБЭТЭР ЭЙГЭ
Тулалыыр дьон үтүөтэ, кэрэтэ,
Кини куһаҕана, түктэритэ,
Сиэрин, өйүн-санаатын көстүүтэ —
Барыта общество (эйгэ) сиэркилэтэ.
Былыр да баар эбит дьон сүөһүтүйүүтэ —
Сиэри-өйү хотуул курдук тэпсиитэ;
Туохха да топпот буола сибиинньэйиитэ —
Баайга-дуолга иҥсэрэн тиҥсирийиитэ...
Төттөрүтүн, кыыл-сүөл «киһитийиитэ» —
Бэл, ийэ бөрө кыһыл оҕону иитиитэ...
Билигин техника сайдан тиҥинээтэ —
Космоска, ыйга тиийэ тиргиитээтэ...
Арай дьон ойуччу уларыйбата сигилитэ —
Баайа — дьадаҥыта өссө үксээтэ,
Эгоист, криминал... бөҕөтө киэптээтэ...
Оннук эбит киһи сэттэ сирэйдэниитэ —
Киитэрэйинэн киэптээн эргиниитэ...
Сыалбыт биир — общество киртийиитэ —
Оччуурун иһин охсуһуоҕугг диэм этэ!
* * *
«Все, что успокаивает нечистую совесть, вредит
обществу».
Пьер Буаст (1765-1824) - французский ученый,
лексикограф
57
