Page 189 - Уус-Алдан 2006

САХА Б ИЛ И Н И Н ИСТОРИЯТА В.В. НИКИФОРОВА
СУОХ СУРУЛЛУБУТА
Ыам ыйын 18 күнүгэр Дьокуускай к. саха биллиилээх общественнай
деятелэ, сырдатааччыта В.В. Никифоров төрөөбүтэ 140 сылын туолууту-
гар аналлаах республиканскай дьаһаллар ыытылыннылар.
Куорат общественноһын, Правительство чилиэннэрин, Ил Түмэн на-
роднай депутаттарын улахан бөлөҕө Национальнай библиотека таһыгар
В.В. Никифоров мемориальнай дуоскатыгар тыыннаах сибэкки дьөрбөтүн
уурдулар. Миитиҥҥэ Саха Республикатын вице-президенэ А.К. Акимов,
Саха Республикатын Государственнай Мунньаҕын (Ил Түмэн) үөрэххэ,
наукаҕа, культураҕа уонна маассабай коммуникацияларга комитетын
председателэ А.Н. Жирков, Уус-Алдап улууһун дьаһалтатын баһылыга
И.В. Бочкарев, В.В. Бочкарев сиэнэ С.В. Никифорова, учуонайдар, су-
руйааччылар о.д.а. тыл эттилэр. Ем. Ярославскай аатынан Саха Республи­
катын холбоһуктаах музейыгар В.В. Никифоровка аналлаах экспозиция
үөрүүлээх быһыыга-майгыта аһылынна. В.В. Никифоров аатын үйэти-
тиигэ анал республиканскай комиссия салайааччыта, Саха Республика­
тын Правительствотын Председателэ Е.А. Борисов эппитин курдук,
В.В. Никифоровка аналлаах дьаһаллар 2006 сыл устатын тухары ыытыл-
лыахтара. Бэс ыйыгар Дүпсүн сиригэр уонна Бороҕонно Никифоровка
аналлаах ыһыах ыһыллыаҕа, сэтинньи ыйга Дьокуускай к. республика об-
щественноһын киэҥ ынырыылаах түмсүүтэ буолуоҕа. В.В. Никифоров
олоҕун, үлэтин үөрэтии, кини туһунан чинчийиилэр түмүктэрин таһаа-
рыы салгыы ыытыаллыаҕа. Саха Республикатын Үөрэҕин министерство-
тынан, Саха Республикатын Культураҕа уонна духовнай сайдыыга минис-
терствотынан туспа программанан үлэ ыытыллар. Маны таһынан күһүн
В.В. Никифоров туһунан туһунан спектакль турара былааннанар.
Василий Васильевич үтүө аатын тилиннэрии сиэрдээх үлэтэ утумнаах-
тык ыытыллар. Ол эрэн, бу сүдү Киһи олоҕун олоччу ырыналыыр, биир-
дэ сыана быһар уустук буолуоҕа. Василий Васильевич аатын Саха норуо-
тун историятыгар төнүннэрии биһиги билиҥҥи историябыт үгүс страни-
цалара саҥалыы суруллалларын эрэйиэҕэ. Ол туһунан ыам ыйын 18 к.
Дьокуускай к. буолбут тэрээһиннэргэ Ил Түмэн бастайааннай комитетын
председателэ А.Н. Жирков балайда сиһилии эттэ. Мантан аллараа
А.Н. Жирков этиититтэн бэчээттиибит.
Дьон-сэргэ киэн араната Василий Васильевич аатын билиниитэ
биһиги баҕабытынааҕар бытаан. Ол өйдөнөр да, өйдөммөт да төрүттэр-
дээх. Биллэрин курдук, Василий Васильевич 1927 сыллаахха балаҕан
ыйын 17 күнүгэр Советскай былааһы утарааччы быһыытынан Дьокуускай
куоракка тутуллан хаайыллыбыта. Тутулуннаҕын нөн үө сылыгар Новоси-
бирскай куорат түрмэтигэр өлбүтэ. Аймахтарын туруорсуутунан ССРС
байыаннай прокуратуратын уурааҕынан дьыалата хаттаан көрүллэн, 1992
сыл олунньу 4 күнүгэр реабилитацияламмыта. Онон В.В. Никифоров XX
үйэҕэ политическай буруйдааһыҥҥа сыыһа түбэһэн репрессияламмыт
Саха дьонуттан эрэ буолбакка, оччотооҕу Советскай Союз бүттүүнүн да-
ҕаны биир саамай уһуннук үтүө аата тиллибэккэ сылдьыбыт киһи буолар.
156