Page 191 - Уус-Алдан 2006

биһиги кэммитин били маннык түмүгү оҥорорго күһэйэр. Суох буолбут
киһини кэриэстиир улахан сүпсүгэ суох.
Билигин даҕаны чинчийээччилэр ортолоругар В.В. Никифоров эйгэ-
гин П.А. Ойуунускайдаах, М.К. Аммосов эйгэлэригэр утары туруорар тох-
тообот. Итинник дьаһаныы улахан сөбө суоҕун туох-ханнык иннинэ бу
дьон олохторун, үлэлэрин анаан үөрэтээччилэр өйдүөх кэриҥнээхтэр. Са­
ха бастакы интеллигенциятын самай бастыҥ, чаҕылхай бэрэстэбиитэллэ-
рин ааспыт политическай халыыптарга тус-туспа хаайталыы сатааһын
биһиги норуоппут историятыгар үчүгэй холобур буолуо суоҕа. Дьиҥэр XX
үйэ саҥатыгар санардыы үөскээн, бөҕөхсүйэн эрэр Саха интеллигенция-
та хаһан да үөйбэтэх-ахтыбатах улахан аймалҕаныгар түбэспитэ: киин
Россияҕа утуу-субуу икки революция буолбута. Ол дьалҕаана Саха сири-
гэр тиийбитэ. Бу быһыыны-майгыны Саха норуота тэрийбэтэҕэ, кини ии-
тийиэхтээн таһаарбатаҕа. Аҕыйах ахсааннаах Саха норуота Россияҕа буо-
лар событиелары баҕардар да, баҕарбатар да ылынар, батыһар эрэ дьыл-
ҕалааҕа. Билигин даҕаны оннук. Россияны бүтүннүү хаппыт аймалҕан кэ-
мигэр Саха интеллигенциятын үгүс өттө бу кэмҥэ хайдах дьаһанан
төрөөбүт норуотун буруотун уһатар, харыстаан ылар суолу тобулбута.
Төһө да хайдыһыылаах, ардыгар утарыта да турсуулаах буолбутун иһин,
кинилэртэн хас биирдиилэрэ чахчы эрэнэн, итэҕэйэн бэйэтэ талбыт суо-
лун тутуспута. Хайата тутуспут суола табатын, хайаларын киэнэ сыыһа-
тын оннооҕор күн бүгүн быһаччы этэр, сыаналыыр улахан уустук. Биир
суол дьэҥкэ: Төрөөбүт норуотун, дьоннорун-сэргэлэрин иһин дьин
кырдьыктанан үтүө дьулуурун, олохторун бүтүннүү толук ууран туруулас-
пыт дьоҥҥо саҥаттан-саҥа көлүөнэ сүгүрүйүөх, кинилэр ахсаабат дьу-
луурдарыттан, ыраас санааларыттан холобур ылыах, батыһыах кэриҥнээх.
Хас биирдии киһи сүрэҕэр, өйүгэр-санаатыгар бэйэтэ Баһылай Никиипэ-
рэптээх, Платон Ойуунускайдаах, Максим Аммосовтаах буолуохтаах. Но-
руот оччоҕо утумнаах, өлбөт-сүппэт дьылҕалаах буолуоҕа.
Александр ЖИРКОВ,
"Саха сирэ", 2006 сыл бэс ыйын 1 күнэ
КҮЛҮМНҮҮР КҮН УОТТААХ ЫҺЫАҔА

Таатта улууһугар Суорун Омоллоон 100 сылыгар аналлаах "Омоллоон
уйгута, Дьэргэстэй ыһыаҕа" бэс ыйын 20-21 күннэригэр (икки күн уста-
та) ыытыллыбыта буолуохтаах, оттон киниттэн 40 сыл аҕа В.В. Никифо-
ров-Күлүмнүүр 140 сааһыгар анаммыт ыһыахтар үс күн тухары — бэс
ыйын 19 күнүгэр Дүпсүҥҥэ (төрөөбүт Нэрэлики алааһыгар сэргэ туруо-
руунан саҕалаан), оттон бэс ыйын 20-21 күннэригэр Бороҕоҥно үрдүктэ-
рээһиннээхтик ыытылыннылар. Бороҕоҥҥо ыһыах аһыллыытыгар бас-
тын- ыалдьыт — Правительство бэрэссэдээтэлэ Е.А. Борисов тиийэн тыл
эттэ, Дьокуускайтан ыҥырыллыбыт миниистирдэр, Ил Түмэн депутатта-
ра олохтоохтору сүүнэ киһилэрин сүүс түөрт уон сылынан истиҥник
эҕэрдэлээтилэр. Мүрү кытыытынааҕы остуол курдук тэҥ ньуурдаах, күөх
кырыстаах киэҥ-куоҥ "Майаҕатта Бэрт Хара” спортивнай комплекс ста­
диона икки куйаас күн устата эгэлгэ өннөөх ураһалардаах түһүлгэлэри-
158