Page 2 - Еспех нэьилиэгин ытык кэрэ сирдэрэ
P. 2
Өспөх нэһилиэгин ытык кэрэ сирдэрэ
Үтүө күнүнэн убастабыллаах дьүүллүүр сүбэ уонна манна мусту бут
ыалдьыттар.
Мин бүгүҥнү дакылааппар Өспөх нэһилиэгин ытык кэрэ сирдэрин,
алаастарын туһунан кылгастык билиһиннэриэхпин баҕарабын.
Арылыйар сүүрүктээх Алдан өрүс үрдүгэр турар, кэрэ көстүүлээх
айылҕалаах Өспөх нэһилиэгэр ытык кэрэ сирдэр аҕыйаҕа суохтар.
Ол курдук Алдан өрүс тардыытыгар баар Өспөх сиригэр, Дыгдаал
сэлиэнньэтин утары сытар Сыттык диэн биэрэк баар. Сыттык дэнэр чай таас
(гравий) кыстаммыт чомчоҕойун илин кырыытынан сытар. Сыттык аннынан
өрүс эмпэрэ биэрэктээх буолан борохуоттар тохтуулларыгар табыгастааҕа.
Онон бу миэстэҕэ маһынан оттуллар пароходтар үлэлииллэрин саҕана
кинилэргэ аналлаах саһааны манна кэрдэн бэлэмнииллэрэ.
Аллараттан иһэр борохуот Чүүйү хайатыттан Дыгдаал биэрэгин арҕаа
чанчыгар сытар күөх арыы маягар туоруур. Онтон биэрэк аннынан
туруоруллубут Батаакап маягар туораан тахсар.
Батаакап маягыттан борокуоттар таас эҥээри кыйан Түүлээх
сыттыгынан биһиги билэр Сыттыкпытыгар кэлэллэрэ.
Порт кэриэтэ суолталаах диэбит Сыттыкпыт үрдүн сыҥаһа сыырын
чомчоҕойугар диэри киһиэхэ тирэҕи биэрбэт курулуу тохтор чай таас.
Сыыры тахсааккын кытта лиҥкинэс ойуур.
Онно холоотохха Түүлээх дэнэр Сыттыкпыт сыыра намыһах уонна
үөһээ өттө оттоох кырыстаах. Кылдьыы курдук көнө ньуурданан ылар ойуура
чуут тэйэн биэрэр. Ол дуона суох көнө күөх кырыс - түүтэ диэн бука ол
буоллаҕа буолуо.
Урут манна эмиэ борокуот саһаана тутуллара, онтон кэлин, сэрии
саҕана Дальстройтрескэ анаан престэммит оту тута сылдьыбыт сирдэрэ. Өссө
кэлин балыксыттар биригээдэлэрин базаламмыт үүтээн дьиэлэрэ баара.
