Page 3 - Еспех нэьилиэгин ытык кэрэ сирдэрэ

Билигин ити барыта суох буолан бу сыттык бэйэтин түүтүнэн эрэ

хаалан кубарыйан сытар буолуохтаах. Оннооҕор били киһини сүһүөҕүн

булларбакка муҥнуур чай таастаах диэбит сыттыкпыт ол баайын бу кэлин

сылларга ньылбы хаһан ыланнар үрдүк сыыра ханан да суох ньыла биэрэк

буолан киһи билбэт бу о л бут этэ. Табыллыбыт кэмигэр киһи бөҕө

тоҕуоруйбут, ас бөҕө астаммыт, хатыыс бөҕө сиэммит, бастакы саһааны,

кэлин маягы харабыллааччы дьиэтэ, баанньыга турбут да сирдэрэ суох. Ол

гынан баран биһиги Сыттыкпыт уос номоҕор да киирэрэ буолуо.

1993 сыллаахха бэс ыйыгар П.А. Ойуунускай 100 сааһын туолар
юбилейнай ыһыаҕар Тааттаҕа ыһыахха сылдьан баран, Б.Н. Ельцины, М.Е.

Николаев, Сыттык биэрэгэр, үс күн иһигэр Саха балаҕанын оһохтоох,

остуоллаах, наара оронноох, икки мае троҥҥа маарынныыр кириэһилэ-

олоппостоох гына туттарбыта. Бу дьиэни кэлин улахан уу ылан барбыта.

Иккис кэпсиир сирим алаадьы курдук төгүрүк Соҕуруу алаас диэн

баар. Бу ортотугар дуомат курдук дьоҕус арыы тииттэрдээх, дьиҥнээх алаас

үүнээйилээх - бу биир кэрэ көстүүлээх сир. Илин сыырын үрдүгэр быһаччы

Алаас өтөҕө дэнэр киэҥ өтөхтөөх. Кэлин бу хорутуллан биир кэлим бааһына

буолбута.

Аны Хоту алаас диэн биир бочуоттаах сир баар. Бу, хайа баҕарар саха

сирин алааһын курдук, тула өртө сыырдаах, куулатыгар Оргул дэнэр оттонор

кыра ходуһалаах, уоннааҕыта кытыытыгар тиийэ тулата хас эмэ сыллааҕыта

хомуһунан хаймыыламмыт күөл.

Манна көнчөх көтөр таптаан түһэр буолара. Ол уута чычааһыттан

буолар эбит бадаҕа. Бу кэлин курааҥҥа бүтүннүү уолан оттонор ходуһа

буолбут сурахтааҕа.

Алаас хотулуу илин баһыгар Абааһылаах диэн оҕо-уруу истэригэр

чаҕытыылаах ааттаах көлүйэлээҕэ. Урут бу балыктанар күөл этэ.

Алдан өрүс сүүрүгүн алын өртүнэн өрө өксөйдөххө Туора үрэх түһэр,

онтон өссө 7 километры бардахха Хампа үрэҕэ,эбэтэр Хочо үрэҕэ дэнээччи

(ардыгар быһаччы Илин үрэх диэччилэр) Алдаҥҥа киирэр.