Page 5 - Еспех нэьилиэгин ытык кэрэ сирдэрэ
P. 5
Биһиги Өспөхпүт курдук уһук нэһилиэккэ Чаарыас диэн сир баар.
Бөдөҥ тиит мастарынан, хатыҥ чараҥнарынан тулаламмыт, күөлүнэн
төгүрүтүллүбүт Саха сирин биир кэрэ муннуга Чаарыас. Дыгдаалтан 1,2
көстөөх сиргэ сытар.
Алдан өрүс арҕаа эҥэригэр Алыһардаах диэн күөл, тыа булдунан баай
сирэ сытар. Бу күөлү хорон уутун өрүскэ түһэрэллэрэ. Киэҥ нэлэмэн
мэччирэҥ уонна ходуһа сирэ тахсан от өлгөмнүк үүнэрэ үһү. Өйтөн сүппэт
дьикти кэрэ айлҕалаах Алыһарбыт барахсан көмүс хатырыктааҕынан баай
элбэх күөллээх, үрэхтээх. Саамай ииппит-аһаппыт күөлбүт соболоро,
быччыкылара, мундулара, ылбайдара оччотооҕу дьон аас-туор олохторугар
күүс күдэх уктаҕа, өлөр өлүүттэн өрүһүйдэҕэ, быстар олохтон быыһаатаҕа.
Сити курдук хас биирдии нэьилиэк бэйэтэ ытык кэрэ сирдэрдээх. Онон
түмүкпэр этиэхпин баҕарабын, нэһилиэкпит түгэх өбүгэлэрин түөлбэлэн
үөскээбит, таптаан, харыстаан ааттарын да ааттаабат ытык кэрэ
алаастарбытын, күөллэрбитин, үрэхтэрбитин ытыктыыр-хараанныыр
иэстээхпит.
