Page 188 - Дүпсүн сирэ

сыллаахха нэһилиэнньэ биэрэпиһин ыытыыга үлэлэспитэ. Холкуос тэриллии-
тигэр 1 аты, 5 ынах сүөһүнү холбообута. Холкуоска үгүстүк тутуу үлэтигэр,
от-бурдук хомууругар сылдьара, ударник аатын ылбыта.

Сыроватскай Егор Львович-Таҕаан Атах
(1893-1947)
1893 с. Наҕатаайы алааска төрөөбүгэ. Тутууга дьоҕурдаах буолан, холкуос
сугулаанын, типовой хотону, сиэмэ ыскылаатын, ыаллар олорор дьиэлэрин
тутуута үгүстүк үлэлэспитэ. Ол быыһыгар от-бурдук хомуурун үлэлэригэр сыл­
дьара. Биир кэмҥэ ыарахан суоллаах-иистээх Моой Үрэххэ таһаҕаска сыл-
дьыбыта. 1942 с. армияҕа ыҥырыллан, үлэ фронугар, Иркутскайга Черемхово
байыаннай заводугар снаряды таһар үлэҕэ сылдьыбыта, билиэннэй японецта-
ры конвойдаспыта.
Сивцева Татьяна Даниловна
(1908-1983)
Лаҥкыйа алаас халдьаайытыгар олохтоох ыалга төрөөбүтэ. Холкуос
тэриллиэҕиттэн үлэ үөһүгэр сылдьыбыт төһүү үлэһит этэ. Сэрии, сут кураан
сылларыгар үлэһит илии тиийбэт буолан эр дьон ыар үлэлэригэр сылдьара.
Сир тиэрэрэ, илии хотуурунан от охсоро, кэбиһиигэ от угара, оскуолаҕа оттук
мае бэлэмнэһэрэ. Бу үлэлэргэ эдэр кыргыттары салайан, баһылаан-көһүлээн
илдьэ сылдьара, үлэҕэ үөрэтэрэ. Кэлин 1948 сылтан от үүммэтэх кураан сыл-
ларга субуруччу хас да сыл Намынан, Кэбээйинэн оттооһуҥҥа уонна сүөһүнү
кыстатыыга биир төһүү үлэһитинэн сылдьыбыта. «1941—45 с. Аҕа дойду
Улуу сэриитигэр килбиэннээх үлэтин иһин» мэтээлинэн наҕараадаламмыта.
Кэлин сааһыран, күүстээх үлэни кыайбат буолуоҕуттан, көлүүр оҕустарын
аһатааччынан, көрөөччүнэн үлэлии сььтдьыбыта.

Сивцев Константин Романович-Дугдуйа Көстөкүүнэ
(1904-1974)
Төрөөбүт сирэ — II Өспөх. Дьэгэтэх алааһа. Холкуоска элбэх сүөһүнү холбоон
чилиэнинэн киирбиттэрэ. Уол холкуоска сылгыһытынан үлэлээбитэ. 1942 с.
обороннай суолталаах балык бултуур биригээдэҕэ сылдьыһан былааннарын
мэлдьи аһара толороллоро. «1941—45 сс. Аҕа дойду Улуу сэриитигэр килбиэн­
нээх үлэтин иһин» мэтээлинэн наҕараадаламмыта. Икки төгүл Ааллаах Үүҥнэ
көлүүр аттарын аһатар көрөр үлэһитинэн сылдьыбыта. Холкуос тэриллиэҕиттэн
33 сыл сылгы ферматын сэбиэдиссэйинэн, сылгыһытынан тохтоло суох
үлэлээбитэ, бу үлэтигэр үрдүк ситиһиилэри көрдөрбүтэ. «Октябрь» холкуос
саҕана кулуну ылыыны 97,7 % тиэрдэ сылдьыбыта. Дьоҕурдаах сылгыһыт бэйэ-
тин идэтигэр элбэх ыччаты ииппитэ. Өр сыллаах үлэтэ тыа хаһаайыстыбатын
министерствотын грамотатынан наҕараадаламмыта.

184