Page 416 - Дүпсүн сирэ

баран, Бороҕон улууһугар церковнай-приходской оскуолаҕа учууталлыы тах-
сыбыта. 1902 сыллаахха төрөөбүт улууһугар көһөрүллүбүтэ. Бу сылтан Пла­
тон Афанасьевич төрөөбүт улууһугар үөрэҕи, сырдыгы тарҕатыыта саҕаланар.
Манна үлэлии олордоҕуна, Саха уобалаһын үөрэҕин министерствота кинини
билиитин үрдэтэргэ Казань куоракка учительскай семинарияҕа үөрэттэрэ ыып-
пыта. Казань куоракка семинарияны бүтэрэн кэлбитин кэннэ П.А.Ушницкайы
Нам улууһун оскуолатыгар учууталынан ыыппыттара. П.А.Ушницкай Нам
улууһун училищетыгар, Ой Мураан уонна Үөдэй оскуолаларыгар үлэлээбитэ.
Ити сылларга Платон Афанасьевич Нам улууһун биир кылаастаах училище­
тыгар Максим Кирович Аммосовы үөрэппитэ. Кини үөрэх-иитии боппуруос-
тарыгар саналыы методиканы, ньымалары туттан үлэлээбиг. Нуучча тылыгар
ыраастык суруйууга, арифметикаҕа болҕомтону уурара. Ордук саха оҕолоругар
нуучча тылыгар тапталы иҥэриигэ кыһаллара.
1922—1923 сылларга Дүпсүн икки кылаастаах народнай училищета түөрт
кылаастаах советскай оскуолаҕа кубулуйбута. Платон Афанасьевич учуу-
тал быһыытынан талаана Советскай былаас сылларыгар толору арыллыбы-
та. «П.А.Ушницкай төрөөбүт норуотун олоҕо чэчирии сайдарыгар туох баар
билиитин-көрүүтүн, олоҕун бүтүннүү анаабыт киһи этэ. Учууталынан үлэлээбит
39 сылын устатыгар сүүһүнэн ахсааннаах үөрэппит-ииппит оҕолоруттан кэлин
үрдүк квалификациялаах специалистар дойдуга, норуокка туһалаах, дьиҥнээх
патриоттар буолан тахсыбыттар элбэхтэр. Ол иһин биһиги, киниэхэ үөрэммит-
иитиллибит дьон, билигин да махталбыт муҥура суох», — диэн ахтар респуб­
ликански суолталаах персональна]! пенсионер, советскай-партийнай үлэһит
Федоров Василий Гаврильевич. Эбэтэр үс сэрии кыттыылааҕа, алта уордьан,
сүүрбэттэн тахса бойобуой, юбилейнай мэтээллэр кавалердара, Дүпсүн сэттэ
кылаастаах оскуолатын бүтэрбит Дмитрий Данилович Оллонов: «Мин соччо
элбэх учууталга үөрэммэтэх киһибин. Ол да буоллар, Платон Афанасьевич
курдук үтүө сиэрдээх-майгылаах, оҕотуттан улахан киһитигэр тиийэ эйэҕэс,
үчүгэй сыһыаннаах, ис-иһиттэн киһини бэйэтигэр тардан, бэйэтин үчүгэй
холобурунан да киһини элбэххэ иитиэх-үөрэтиэх курдук учууталга, омуннуу
таарыйа эттэххэ, үөрэммиппиттэн киэн туттабын. Киниэхэ үөрэммит атыттар
даҕаны Платон Афанасьевич туһунан итинник саныыллара буолуо диэхпин
баҕарабын», — диэн үөрэн-көтөн олорон ахтан ааспыта диэн республиканскай
суолталаах персональнай пенсионер В.В.Алексеев 1984 сыллаахха «Кыым»
хаһыакка суруйан турар. Платон Афанасьевич Ушницкай таптыыр идэтинэн,
норуот учууталын быһыытынан 1939 сыл алтынньы 4 күнүгэр дизри үлолээбитэ.
Кини 59 сааһыгар 1940 сыллаахха балаҕан ыйын 25 күнүгэр өлбүтэ.

2. Үөрэх наркома

Жирков Иван Николаевич

Жирков Иван Николаевич 1907 сыллаахха муус устар 22 күнүгэр урукку
Дүпсүн улууһун I Өспөх нэһилиэгэр сэниэ ыалга төрөөбүтэ. Иван 10 саастааҕар
Дүпсүн 2 кылаастаах начальнай оскуолатыгар үөрэнэ киирбитэ. Гражданскай
356