Page 566 - Дүпсүн сирэ

ырыппыта, «Бэлиэ түгэннэр календардарын» оҥорууга актыыбынай кыттыы-
ны ылбыта.
Г.С.Тарскай ССРС суруйааччыларын уонна журналистарын Союзтарын чи-
лиэнэ, Саха АССР культуратын үтүөлээх үлэһитэ этэ.
Виктор Федорович Афанасьев,
профессор
Ленинскэй тэрийээччи. — 1987. — Тохсунньу 31 к.

Гоголев Михаил Иванович — Байыаннай академия медалиһа
( 1 9 2 4 - 1 9 7 1 )

Наара алааска олохтоох, элбэх кыра оҕолоох, илиитин үлэттэн араарбатах,
дьаданы олохтоох ыалга төрөөбүтэ. Аҕата Иван Александрович Гоголев дьиэҕэ
соҕотох үлэһит буолан, саха балаҕанын да кыайан оҥостубатаҕа, ыалга дьукаах
олорбуттара.
Миша аҕа табаарыстарыттан ааҕарга, суруйарга үөрэнэн маҥнайгы кылаа-
һын көтөн, быһаччы иккис кылааска киирбитэ уонна бары табаарыстарыттан
уһулуччу үчүгэйдик үөрэммитэ. 1938—1939 үөрэх сылыгар Дүпсүн ситэтэ суох
орто оскуолатын алтыс кылааһы туйгун сыаналарынан бүтэрбитэ. Бу сыл са-
йыныгар Бүтүн Союзтааҕы «Артек» лааҕырга сынньата ыыппыттара.
1939—40 сс. сэттис кылааһы бүтэрэн, Дьокуускайга рабфакка үөрэнэ киир­
битэ. Рабфак I курсун кэнниттэн дойдутугар совет секретарынан үлэлээбитэ.
1942 сыллаахха Армияҕа ыҥырыллыбыта. Армияҕа сулууспатыы сырыттаҕына,
Забайкальскай пехотнай училищеҕа үөрэххэ ыыппыттара. Үөрэҕин кэннит­
тэн Кытайга сулууспалыыр. Ленинградтааҕы Буденнай аатынан инженернэй-
байыаннай Академияҕа үөрэнэргэ биир миэстэ кэлбитэ. Олус улахан конкурс-
тааҕа, 25 киһи буолтара. Михаил Иванович экзаменнарын барытын «5»-кэ
туттаран, 1951 сыллаахха үөрэнэ барбыта. 1956 сыллаахха Академичны кыһыл
көмүс мэтээлинэн бүтэрбитэ. Үөрэммит Академиятын салалтата үлэҕэ хаал-
ларарга туруорса сатаабыттара да кыаллыбатаҕа. Ис Дьыала Министерствота
Михаил Ивановиһы Москваҕа КГБ кистэлэҥ чааһыгар технической сибээс
кылаабынай инженеринэн аныыр. Онно үлэлээбит сылларыгар сананы айыы-
та икки бөдөн үлэ бырайыагын оҥорбута. ССРС ИДьМ Советынан биһирэнэн
бигэргэммитэ. Үһүс үлэтин ыалдьа сылдьан оҥорон баран, эдэр инженергэ
ситэрэригэр итэҕэйэн биэрбитэ. Бу үлэни ситиһиилээхтик толорон, эдэр ин­
женер улахан хайҕалга уонна дуоһунаһыгар үрдээһиҥҥэ тиксибитэ.
Инженер, подполковник Михаил Иванович 1971 сыллаахха айар үлэтин
үгэнигэр сылдьан, 47 сааһыгар ыарахан ыарыыттан Москва куоракка өлбүтэ.
Михаил Ивановиһы сулууспалаабыт байыаннай чааһа улаханнык чиэстээн
көмпүтэ. Бырастыылаһар бохоруонатыгар 25 киһи тыл эппит. Армияҕа сулуус-
палыы сылдьан «Бойобуой үтүөлэрин иһин» мэтээлинэн, КГБ-га үлэлээбит
сылларыгар За безупречную службу I, II степеннээх уордьаннарынан наҕа-
раадаламмыт.
Михаил Иванович көмүс унуоҕа Москваҕа Донской монастырь кылабыы-
һатыгар баар.
482