Page 569 - Дүпсүн сирэ

сыллаахха Коммунистическай партия чилиэнэ буолбута, партийнай ячейка
секретарынан, I Өспөх нэһилиэгин исполкомун бэрэссэдээтэлинэн талыллы-
быта. Бу үлэлэргэ кини дьону сатаан түмэр, тылын-өһүн ылыннарар, убааста-
нар салайааччы быһыытынан биллибитэ.
1939 с. БСК(б)П райкомун II секретарынан талаллар. Сэрии кураан сылла-
рыгар оройуон 78 холкуостара Нам, Кэбээйи, Чурапчы, Орджоникидзевскай
оройуоннарыгар көһөн оттооһуннарын, сүөһүнү уонна сылгыны тыыннаах
сыл таһаарыыны тэрийсибит, кыаҕын-күүһүн уурбут салайааччы буолар. Он-
тон 1944 сыллаахха, партия обкомун иһинэн биир сыллаах партийнай оскуо-
ланы үөрэнэн бүтэрэрбитин кэннэ, Кэбээйи оройуонугар райком тэрийэр-
инструкторскай отделыгар үлэлэтэ ыыталлар. 1949 с. дойдутугар кэлэн,
сэрии кэнниттэн норуот хаһаайыстыбатын чөлүгэр түһэрэр үлэ эппиэттээх
дуоһунастарыгар, промкомбинат директорынан, Өнөргө бөдөҥсүйбүт «Ленин»
холкуос бэрэссэдээтэлинэн, итинтэн салгыы райсовет уопсай отделын сэбиэ-
диссэйинэн, милиция отделыгар вневедомственнай охрана биригэдьииринэн
үтүө суобастаахтык үлэлээбитэ.
«1941 — 1945 сс. Аҕа дойду Улуу сэриитигэр килбиэннээх үлэтин иһин» мэ-
тээлинэн, Саха АССР Верховнай Советын Президиумун Бочуотунай Грамота-
тынан, «ССКП кэккэтигэр 50 сыл» бэлиэнэн наҕараадаламмыта.
Изабелла Дмитриевна Стручкова-Федорова

Алексеев Дмитрий Андреевич-Суруксут Миичээн

Алексеев Дмитрий Андреевич Дүпсүн улууһун II Өспөх нэһилиэгэр
Лампараайы алааска төрөөбүтэ. Дүпсүн церковнай-приходской оскуолатын
бүтэрбитэ. Бу оччотооҕу кэмҥэ улахан үөрэхтээх киһинэн ааҕыллара. Онон
Дмитрий оскуола кэнниттэн II Өспөх нэһилиэгэр суруксутунан үлэлээн бар-
быта. 1927—1928 сс. II Өспөх биэрэпиһин ыыппыт. Буочара үчүгэйинэн,
ыраастык, табатык суруйарынан аатырара. Ол иһин кинини Суруксут Миичэ­
эн диэбиттэр.
Дмитрий Андреевич II Өспөххө, онтон Сиэгэн Күөлгэ атыылааччынан үлэ-
лээбит. Сэрии кэнниттэн «Маркс» холкуоска ферма биригэдьииринэн уонна
суотчутунан үлэлии сылдьыбыт. Онтон кэлин кырдьыар диэри Бээдигэ атыы­
лааччынан үлэлээбит. Өр сыллаах үлэтэ «Сэбиэскэй эргиэн тэрилтэтин туйгу-
на» бэлиэнэн наҕараадаламмыта.
Алексей Иванович Сивцев

Соловьев Николай Алексеевич
( 1 9 0 7 - 1 9 9 3 )

Николай Алексеевич сэтинньи 30 күнүгэр 1907 сыллаахха уруккута Дүпсүн
улууһун Чэриктэй нэһилиэгэр төрөөбүтэ. Аҕыс сааһыгар Дүпсүн оскуола-
тыгар үөрэнэ киирбитэ. Түөрт кылааһы бүтэрээт, педтехникумҥа киирби-
тэ. 1927 сыллаахха Н.Н.Яковлев аатынан Иркутскайдааҕы рабфакка киирэн
485