Page 571 - Дүпсүн сирэ

Бочкарев Иван Андреевич
( 1914- 1974)
Бочкарев И.А. 1914 сыллаахха I Өспөх нэһилиэгэр төрөөбүтэ. Дүпсүн оскуо-
латыгар үөрэммитэ. Дүпсүн оскуолатын кыһатыгар 30-с сылларга үөрэммит,
иитиллибит дьоннортон бэрт элбэх комсомольскай, советскай-партийнай
үлэһиттэр үүнэн тахсыбыттара. Иван Андреевич Бочкарев бу дьоннортон биир-
дэстэрэ. Кини 1933 сыллаахха оскуолаҕа үөрэнэ сылдьан комсомолга киирби-
тэ. Оскуола комсомолецтара оччотооҕуга нэһилиэк бары үлэтигэр төһүү күүс
буолаллара. Кинилэр үөрэҕэ суохтары үөрэтэллэрэ, холкуостары тэрийсиигэ
көмөлөһөллөрө. Бөһүөлэк иһигэр агитационнай маассабай үлэлэри көҕүлээн
ыыталлара. Иван Андреевич комсомольскай үлэҕэ ыччаты тардыыга, ыччаты
комсомол кэккэтигэр үүннэриигэ үлэлэспитэ. Сайынын Дүпсүҥҥэ тэриллэр
пионерскай лааҕырга баһаатайдыыра. Кини салайыытынан пионердар кон­
церт, испэктээк туруораллара, от хомууругар көмөлөһөллөрө.
1936 сыллаахха оскуоланы бүтэрбитэ уонна активист-комсомолец
быһыытынан ЫБСЛКС райкомун пионерскай отделын сэбиэдиссэйинэн
үлэҕэ анаммыта. Эдэр инициативалаах үлэһити комсомол мэктиэлээһининэн
1938 с. Мүрү начальнай оскуолатыгар сэбиэдиссэйинэн анаабыттара. Иван
Андреевич оскуолаҕа былааннаах иитэр-үөрэтэр үлэ барарын ситиспитэ, пио­
нерскай тэрилтэ үлэтин-хамнаһын сэргэхсиппитэ. Бэйэтэ төһө да анал учуутал
үөрэҕэ суоҕун иһин үөрэнээччилэргэ чиҥ билиини биэрэргэ кыһаллара, ир-
диирэ. Нуучча классик суруйааччыларын айымньыларын ааҕарын сөбүлүүрэ,
үөрэнээччилэргэ пропагандалыыра. 1938—1939 үөрэх дьылыгар Мүрү началь-
най оскуолатыгар 8 отличник, 36 үөрэх ударниктара бааллара. Нуучча тылыгар
билии 89,26% тэн нэспитэ. Киэһээҥҥи оскуоланан элбэх ыччат хабыллыбыта.
Оскуолаҕа үлэлии сылдьан, 1939 с. партия кэккэтигэр киирбитэ. 1940 сыл­
лаахха кини партийнай үлэҕэ өрө таһаарыллыбыта, партия оройуоннааҕы ко-
митетын тэрийэр отделын инструкторынан үлэлээбитэ. 1941 с. И.А.Бочкареву
партия Орджоникидзевскай оройуоннааҕы комитетын тэрийэр отделын сэбиэ­
диссэйинэн ыыппыттара. Эдэр коммунист комсомольскай үлэҕэ сыһыарыллан
үлэлээбитэ. Иван Андреевич ол кэмнээҕи үлэтин туоһутунан комсомол Ор­
джоникидзевскай оройуонунааҕы комитетын I секретара т. Зыков характерис-
тиката буолар. «... проявил исключительную энергию в комсомольской работе,
состоял членом бюро РК ВЛКСМ, начальником районного штаба юных пио­
неров ... помогал первичным комсомольским организациям путем семинара
секретарей, докладчиками, распространением передовых уопутов молодых
стахановцев-ударников производства среди молодежи».
Аҕа дойду сэриитин ыар сылларыгар 1944 с. ССРС Балык промышленно-
һыгар народнай комиссариатын уурааҕынан Саха АССР Булуҥ уонна Усу-
йаана оройуоннарыгар рыбхолкуоссоюзтар тэриллибиттэрэ. 1944 сыл атырдьах
ыйыгар И.А.Бочкарев сана тэриллибит Усуйаанатааҕы рыбхолкуоссоюз пред-
седателинэн ананан үлэлии барбыта. 1946—1953 сс. Иван Андреевич партия
Усуйаанатааҕы, Орто Халыматааҕы райкомнарын аппаратыгар үлэлиир. 1953 с.
уобатастааҕы партийнай оскуоланы бүтэрэн баран, үлэһиттэр депутаттарын
487