Page 579 - Дүпсүн сирэ

саҕалаабытын туһунан бэйэтин ахтыытыгар бу курдук суруйар: «...үлэлээбит
сылларбар сельсовекка туспа дьиэ суох этэ, кулууптар муннуктарыгар тоҥон-
хатан үлэлээбиппит. Урут шариковай уруучука суоҕа, чэрэниилэнэн суру­
йар этибит. Онтукабыт тоҥон хаалара. Билиҥҥи курдук Чэриктэйгэ туспа
сельсовет суоҕа. Хамнаһы бэйэм ааҕарым, биэрэрим. Аны оҕо пособиетын
түҥэтэрим, сылга сэттэ уон аҕыска тиийэ оҕо төрүүрэ. Бииргэ үлэлээбит совет
председателлэрим: Федоров Гаврил Ильич, Босикова Евдокия Афанасьевна,
Рожина Александра Никитична, Иванов Владимир Петрович, Халдеев Ин­
нокентий Андреевич, Оконешников Николай Афанасьевич, Прибылых Васи­
лий Семенович, Новогодин Лаврентий Иванович, Иванов Дмитрий Иванович,
солбуйар председателлэр: Бочкарев Илья Сергеевич, Шергин Захар Иванович
этил эр. Хас да сылларга бииргэ үлэлээбит бухгалтердарым Прибылых Михаил
Тимофеевич, Белолюбская Розалия Михайловна, Прибылых Мария Николаев­
на, Протопопов Андрей Николаевич, Пермякова Валентина Михайловна буо-
лаллар. Бары эйэ дэмнээхтик үлэлээбиппит».
Анна Васильевна туһааннаах үлэтин таһынан общественнай үлэлэргэ ак-
тыыбынайдык кыттара. Кини агитзона начальнига, истибэттэр обществоларын
председателэ, охотобщество кассира, партком иһинэн тахсар хаһыат редакто­
ра курдук элбэх сыраны эрэйэр ноҕуруускалардааҕа. Нэһилиэккэ 11 ыҥырыы
устатыгар совет депутатынан, партком чилиэнинэн, 1972—1977 сс. нэһилиэк
норуодунай суутун сэтээтэлинэн талыллан үлэлээбитэ. Анна Васильевна —
Дүпсүн нэһилиэгин Бочуоттаах гражданина.
Марфа Ивановна Ховрова

Федоров Василий Васильевич

Биһиги Баһылайдыын 1963 сыллаахха санаабытын холбоон, иэйиибитин
сыһыаран ыал буолбуппут. Баһылай үөрэҕи ылынымтыа, элбэҕи ааҕар-билэр
буолан, кыра эрдэҕиттэн наар туйгун сыанаҕа үөрэммит этэ. 1956 сьшлаахха
Мүрү орто оскуолатын үчүгэйдик үөрэнэн бүтэрээт, Москваҕа Тимирязовскай
Академия экономическай факультетыгар үөрэххэ туттарсан киирэн, биир эрэ
сыл үөрэммитэ. Ол саҕана дойдуга сэллик ыарыытын кыайан эмтии охсубат
буоланнар, дойдутугар эргиллэн, өр эмтэнэн баран, медицинскэй училищеҕа
киирэн, ситиһиилээхтик үөрэнэн 1962 с. бүтэрбитэ. Ол кэннэ Уус Алдан
Саһылыкаан уонна Бэйдиҥэ диэн учаастактарыгар фельдшер-акушерынан,
онтон Бэрт Ууһа, Суотту уонна Дүпсүн балыыһаларыгар сэбиэдиссэйинэн
үлэлээбитэ. Ол курдук 15 сыл ааспыта. Оччолорго олорор дьиэ-уот суоҕа.
Балыыһалар материальнай базалара мөлтөҕө бэрт этэ. Ол эрээри, эдэр эрчим-
нээх, олоххо тардыһыылаах, билиини-үөрэҕи өрө тутар буолан, туох да ыарахат-
тары аахсыбакка үлэ үөһүгэр сылдьыбыппыт. Быраас буолар баҕата баһыйан,
1969 с. СГУ медицинскэй факультетыгар үөрэнэ киирбитэ. Оҕолордоох, ыал
киһи сиэринэн, үөрэнэ-үөрэнэ суһал көмө станциятыгар педиатр-бырааһынан
үлэлиирэ. Ол эрээри эмтэн сүһүрэн, экзема буолан быраастар сүбэлэринэн
туе хоту түспүппүт. Булуҥ улууһун Приморскай ОПХ-гар таба иитиитинэн,
495