Page 577 - Дүпсүн сирэ

оройуонун исполкомун председателэ, Уус Алдаҥҥа МТС-ка политотдел на-
чальнига, САССР Министрдэрин Советын инструктора, тыа хаһаайыстыбатын
министерствотын кадрдары бэлэмниир отделын методиһа.
Сыроватскай Захар Васильевич 1934—1938 сс. САССР Клин Ситэриилээх
комитетын чилиэнэ, 1938—1946 сс. — САССР Верховнай Советын депутата.

Божедонова Анастасия Николаевна
Божедонова Анастасия Николаевна 1948 сыллаахха кулун тутар 17 күнүгэр
Аграфена Никитична уонна Николай Петрович Рожиннар дьиэ кэргэннэригэр
күн сирин көрбүтэ. Ийэтэ Аграфена Никитична холкуоска ыанньыксытынан,
аҕата Николай Петрович сааһын тухары механизаторынан үлэлээбиттэрэ. Тоҕус
оҕолоох ыал улахан оҕото буолан, Анастасия Николаевна кыра эрдэҕиттэн
дьиэ кэргэн туох баар кыһалҕатын билэр, тыа ыалын бары үлэтин сатыыр буо-
ла улааппыта. Оскуолаҕа уһулуччу үчүгэйдик үөрэммитэ. Бастыҥ спортсмен:
хайыһардьыт, турист этэ. Оччолорго тыа оскуолаларыгар омук тылын үөрэтии
саҥа киирэн эрэр кэмэ этэ. Дүпсүн осколатыгар үөһээ кылааска икки сыл
французскай тылы үөрэтэллэрэ. Матвеева Настя биир сыл иһигэр бу тылы олус
үчүгэйдик баһылаабыта. Омук тылын учууталын кытта сахалыы саҥаран эрэр
курдук французтуу холкутук, көҥүллүк кэпсэтэрин үөрэнээччилэр, учууталлар
сөҕөллөрө. Настя 1966 сыллаахха Дүпсүн оскуолатын кыһыл көмүс мэтээлинэн
бүтэрбитэ уонна СГУ омук тылын факультетыгар французскай тыл отделение-
тыгар бастакы экзаменын «биэскэ» туттаран киирбитэ.Үөрэҕин 1971 с. бүтэрэн,
1992 сылга диэри 20 сыл устата Дьокуускай куорат 20, 14 №-дээх оскуолаларыгар
учууталынан, директоры үөрэх чааһыгар солбуйааччынан, куораттааҕы норуот
үөрэҕириитин управлениетыгар методист-инспекторынан өрө тахсан испитэ.
1992—93 сс. СР ЮНЕСКО иһинэн национальнай Комитетын солбуйар пред-
седателинэн, 1993—1999 сс. СР Президенин иһинэн дьиэ кэргэн, дьахтар уонна
демографическай политика комитетын председателинэн үлэлээбитэ. Комитет
биир сүрүн суолталаах үлэтинэн Норуоттар икки ардыларынааҕы «Саха-Азия
оҕолоро» фонданы тэрийии буолбута. Анастасия Николаевна бу фонда бастакы
председателэ буолан туран, СР Президенин ыйыытынан фонданы тэрийиини,
байытыыга араас көрүҥнээх үлэлэри ыытыыны, бииргэ үлэлэһиэн баҕалаах
омук дьонун уонна тэрилтэлэри булууну, сибээһи олохтооһуну саҕалаабыта,
салайбыта. Фонда дьиэ кэргэни, учуутал үлэтин өйөөн үтүмэн элбэх үлэни
ыыппыта. Божедонова А.Н. көҕүлээһининэн «СР оҕолоро» программа, «Оҕо
бырааба» сокуон, дьиэ кэргэн уонна демографическай политика ырытыллан,
оҥоһуллан олоххо киирбитэ. «Инбэлиит оҕолор», «Тулаайах оҕолор», «Хоту
сир оҕолоро», «Дьоҕурдаах оҕолор» диэн программалар уонна үөһэ ааттаммыт
сокуоннар Уһук Хоту уонна Арктика усулуобуйатыгар олорор оҕолор сайдыы-
ларыгар, үөрэниилэригэр, олохторугар көмүскэллээх буолууларын, кинилэр
бырааптара сокуон өттүттэн харысхаллаах буоларын хааччыйбыт сүдү сыана-
лаах докумуоннар буолаллар. Итини таһынан дьиэ кэргэни өйүүр «Эдэр дьиэ
кэргэн», «Дьиэ кэргэни былааннааһын», «Бастыҥ хаһаайыстыбалаах ыал»,
493