Page 576 - Дүпсүн сирэ

Иккис кыыс, Кондратьева (Попова) Анна Ивановна II 1938 сыллаахха
төрөөбүтэ. 1956 сыллаахха Дүпсүн орто оскуолатын 9 кылааһын бүтэрдэҕин
сыл ийэлэрэ Елена Ивановна өлөн быраата Колялыын Өлүөхүмэ оройуону-
гар эдьиийдэригэр Матрена Ивановнаҕа көһөллөр. Эдьиийдэрэ улахан Ааныс
Дүөндүгэ хаалбыта. Аччыгый Ааныс Өлүөхүмэҕэ орто оскуоланы бүтэрэн
баран, Дьокуускайга СМУ-1 тэрилтэҕэ штукатур-малярынан үлэлээбитэ.
Эһиилги сылыгар Ленинград куоракка эргиэн институтун экономическай фа-
культетыгар туттарсан үөрэнэ киирэр. Биэс сылы быһа дойдутугар кэлбэккэ,
сайынын үлэлээн, кыһын үөрэнэригэр харчы мунньунан, кимтэн да улахан
көмөнү ылбакка, үөрэҕин 1969 сыллаахха бүтэрбитэ. Үөрэҕин бүтэрэн кэлээт
да, Саха АССР Совминын иһинэн республика Госснабыгар үлэҕэ киирбитэ.
Анна Ивановна бу тэрилтэҕэ түөрт уон иккис сылын үлэлии сылдьар. Олох
уларыйар, тэрилтэ аата уларыйар, онтон дириҥ билиилээх, өйдүүн-санаалыын
үлэтигэр бэриниилээх, И Н Н И К И К Э С К И Л И О Т О корон О Л О Ҕ У кытта Т Э Н 'Н 'Э хардыы-
лаан иһэр сатабыллаах салайааччы, Анна Ивановна, күн бүгүн да үлэлиир
эрчимин ыһыктыбат. Кини Саха сирин Госснабын аҕыс акционернай общес-
твотын салайар, бу улахан тэрилтэ генеральнай директорынан үлэлиир. Анна
Ивановна — Российскай Федерация үтүөлээх экономиһа, Саха Республика-
тын норуотун хаһаайыстыбатын үтүөлээх үлэһитэ, Уус Алдан улууһун, Дүпсүн
нэһилиэгин Бочуоттаах гражданина.
Бырааттара Попов Николай Иванович 1940 сыллаахха төрөөбүтэ. Өлүөхүмэ
орто оскуолатын кэнниттэн Новосибирскайдааҕы тутуу институтун бүтэрбитэ.
1967—1969 сс. Аһылык промышленноһын министерствотыгар, 1969—1972 сс.
ити министерство ТМУ-н прорабынан, 1973—1978 сс. кылаабынай инжене-
ринэн, 1978—2000 сс. «Холбос» правлениетыгар СМУ начальнигынан, онтон
«Холбос» ТМУ-н генеральнай директорынан үлэлээбитэ. Бу тэрилтэҕэ үлэлии
олорон, республика улуустарын эргиэнин тэрилтэлэригэр 180-ча сана тутуулары:
маҕаһыыннары, остолобуойдары, ыскылааттары, дьон олорор дьиэлэрин үлэҕэ
киллэртэрбитэ. Оҕо эрдэҕиттэн саахымакка оонньуурун сөбүлүүрэ. Биирдэ куо-
рат турнирыгар кыттан чемпион буолбут. Онуоха табаарыстара: «Коля, мае куо-
рат чемпиона буолбуккунан»,— диэн күлэ-оонньуу эҕэрдэлээбитгэрэ. Кырдьык
даҕаны, Николай Иванович бүтүн «мае куораты» туттарбыт инженер этэ.
Алексей Иванович Сивцев

Сыроватскай Захар Васильевич
Сыроватскай Захар Васильевич 1905 сыллаахха Тэбиик нэһилиэгэр төрөө-
бүтэ. Дүпсүн бастакы комсомолеһа. 1924—1927 сс. Дьокуускайдааҕы педагоги-
ческай техникумҥа үөрэнэр. 1927 сыллаахха Захар Васильевиһы комсомол об­
кома, үөрэх комиссариата Иркутскай куоракка рабочай факультекка үөрэттэрэ
ыытар. 1930 сыллаахха бу үөрэҕин бүтэрэн кэлэн, САССР үөрэҕин комиссариа-
тыгар политическай сырдатар отдел сэбиэдиссэйинэн үлэлиир. 1933—1936 сс.
Абый оройуонун исполкомун председателэ, 1937—1952 сс. — «Кыым» хаһыат
редакциятыгар советскай эргиэни сырдатар отдел сэбиэдиссэйэ, салгыы Таатта
492