Page 574 - Дүпсүн сирэ

народнай артистката Александра Иванова оонньооһуна адьас мин эдьиийим
олоҕун курдуга. Кини биэс уонча сыл устатыгар «курун ыга тардынан» сайы-
нын өнүрүк куйаастарга, харааннаах бырдахтарга, күлүмэннэргэ ыҥыыр ат
үрдүгэр, кыһынын 50—60 кыраадыстаах тымныыларга сыарҕалаах хаҥыл ат-
тар буоһаларын тутан олорбута, үлэлээбитэ. Ити испиэктээкилгэ Толганай
уобараһын көрө олорон, эдьиийбин санаан, хараҕым уута кэлэн, ыгыллан,
ытаан барар турукка киирбиппин бэйэм да билбэккэ хаалбытым. Ол эдьиийим
тыыннааҕар биһигини кытта куоракка киирэн, бииргэ олорор сылларыгар этэ.
Эдьиийим суоҕа, кини сэрии инниттэн холкуос үлэтигэр буспатаҕа-хаппатаҕа
буоллар, 1942—43 сылларга биһиги ыал бары хоргуйан өлбүт буолуо этибит.
Эдьиийим кэлэн пенсияҕа тахсан баран Дьокуускай куоракка киирэн, биһиэхэ
уонна уолугар Василий Иванович Босиковка олорон 1996 сыллаахха өлбүтэ.
Уола — Босиков Василий Иванович-Босяк, поэт, Саха Республикатын
үтүөлээх учуутала, биэс оҕону төрөтөн, куоракка түөрт ыал буоланнар, билиҥ-
ҥитэ түөрт сиэннэнэн куһаҕана суохтук олороллор.

Васший Афанасьевич Босиков
Рожина Александра Никитична-Сэбиэт Суура

Рожина Александра Никитична 1928 с. төрөөбүт. 1937 сыллаахха Дүпсүн
оскуолатыгар үөрэнэ киирбит. 1941 — 1943 сс. сут буолан дьоно Нам оройуо-
нугар сүөһү көрө көһөллөр. Александра хаалан кыайан үөрэнэр кыаҕа суох
буолан үөрэҕиттэн тохтоон, дьонун кытта Намныыр. Онтон кэлэн салгыы
үөрэнэн 1947 с. оскуолатын бүтэрэн баран, холкуоска кладовшигынан үлэлиир.
1949—1954 сс. Дүпсүннээҕи сибээс отделениетыгар телефонисткалыыр. Си-
бээс тэрилтэтэ Александраны биир сыллаах Курска ыытан үөрэттэрэр.Үөрэҕин
кэнниттэн 1960 сылга диэри Бээрийэтээҕи сибээс отделениетыгар начальни-
гынан үлэлээбит. Онтон 1960 с. Дүпсүн сельскэй советын председателинэн
быыбардыыллар. Билигин Рожина Александра Никитичнаны Дүпсүн сиритэр
кырдьаҕас, орто көлүөнэ дьон Сэбиэт Суура диэн аатынан билэллэр уонна
билинэллэр. Александра Никитична олох эдэр сааһыттан наар салайар үлэҕэ
сылдьыбыта. Дьону түмүү, дьаһайыы, бэйэ тылын ылыннарыы, оччотооҕу тыа
сирин хаһаайыстыбатын иҥэн-тоҥон билии, салайааччыттан дирин билии-
ни, сатабылы ирдиирэ. Бу кырдьык да мээнэ киһи, ордук дьахтар, ылбычча
үлэлээбэт үлэтэ. Александра Никитична маннайгы холкуос, совхоз сыахтааҕы
сүһүөх партийнай тэрилтэ секретарынан, партком 16 сыл устата нэһилиэк со­
ветын председателинэн, партия оройуоннааҕы комитетын уонна оройуон Со­
ветын исполкомун чилиэнинэн, кэлин пенсияҕа тахсан баран 10 сыл уста­
та оҕо садын сэбиэдиссэйинэн үлэлээбитэ. 1967 сыллаахха Саха АССР VII
ынырыылаах Верховнай Советын депутатынан талыллан, түөрт сььт устата
Верховнай Совет Президиумун чилиэнинэн быыбарданан нэһилиэк, оройуон
сайдыыларын туһугар күүһүн, билиитин биэрэн үлэлээбитэ.
Марфа Ивановна Ховрова
490