Page 625 - Дүпсүн сирэ

дьаһаҕа, биллэр-көстөр дьоно, ааттара-суоллара уос номоҕор киирэн, бүтүн
Саха сирин үрдүнэн тарҕаммыт дуулаҕа бухатыырдара, күлүмэх күүстээхтэрэ,
үүиүү-сайдыы, үөрэх, культура тарҕаныыта архыып матырыйаалларыттан, но-
руот сэһэниттэн, сыыппаралартан, чахчылартан түмүллэн балачча киэҥник
киирдэ.
Кинигэни бэлэмнээһин, бэчээттэтии сүрдээх ыараханнык, уһун күҥҥэ-
дьылга тардыллан оҥоһуллубутун ахтар тоҕоостоох. Ону нэһилиэк чэрчитинэн
хаста да төхтөрүйэн, сорунан көрө-көрө тохтооһуннар, сорохтор ылынан ба­
ран аккаастаныылара, үп-харчы кыайан көстүбэт кыһалҕалара кэрэһилииллэр.
Онуоха мин кинигэ матырыйаалларын көрөн-истэн, наардаан таһаарыыга
үлэлэспит киһи быһыытынан кинигэ күнү көрүүтүгэр тэрийээччи, салайаач-
чы, күөттээччи быһыытынан Дмитрий Михайлович Свешников оруолун чорбо-
тон бэлиэтиэх этим. Дмитрий Михайлович Дүпсүн дьиҥнээх патриота буолан,
сүдү биир дойдулаахпыт В.В. Никифоров-Күлүмнүүр төрөөбүтэ 140 сыллаах
үбүлүөйүн сүрүн тирэх оҥостон, дьонун-сэргэтин түмэн, үп-харчы уустукта-
рыттан толлон, чаҕыйан көрбөккө, тиһэҕэр тиийэ турууласпытын дүпсүннэр
билиниэх, махтаныах кэриҥнээхтэр.
Оскуола иһинэн кыраайы үөрэтэр музейы тэрийбит, уһун сылларга иилээн-
саҕалаан байыппыт-хаҥаппыт, хомойуох иһин билигин биһиги кэккэбитигэр
суох, оскуола директора И.С. Колодезниковы, энтузиаст-краевед И.Д. Стрека-
ловскайы, биир көмүс харчы төлөбүрэ суох уһун сылларга архыып матырыйаал­
ларын хасыһан, Дүпсүн улууһугар сыһыаннаах элбэх чахчылары, сыыппарала-
ры, улуус, нэһилиэк бас-көс дьоннорун ааттарын булан музейга бэлэхтээн, бу
кинигэ баай архыыбынай матырыйаатынан таҥыллыытыгар тугунан да сыана-
ламмат кылааттаах Иван Афанасьевич Охлопков-Туймалыырабы ойуччу тутан
ааттыам этэ.
Бэйэлэрэ муҥура суох үлэлээх, түбүктээх эрээри, нэһилиэк интэриэһигэр,
патриотическай өйүнэн-санаанан салайтаран Марфа Ивановна Ховрова уонна
Мария Ивановна Романова дьиҥ-чахчы эт-тирии илистэр сөҕүмэр үлэни то-
лорбуттарын кинигэ редакторын быһыытынан бэлиэтиэх этим.
Биллэн турар, улахан махтал тыллара Ил Түмэн депутата Александр Ни­
колаевич Жирковка туһуланаллар. Ама Александр Николаевич саҕа Дүпсүн
историятын, биллиилээх дьонун ааттарын үйэтитиигэ улахан үтүөлээх-өҥөлөөх
ким баарый? Уус Алдан ыччата төрөөбүт норуокка, дойдуга бэриниилээх буо-
луу, муҥура суох таптал, кыһамньы тыыныгар иитиллиини киниттэн холобур
ылыахтаах дии саныыбын.
Дьэ, уонна саамай түмүккэ, «өбүгэ тардылыга» (зов предков) диэбиккэ дылы,
туе бэйэлэрэ Дүпсүн буоругар төрөөбөтөхтөрүн да иһин, утумнара-сыдьааннара
тардан, чугастык ылыналларын ааһан өйдөрүнэн-санааларынан, эттэринэн-
хааннарынан ылынан кинигэни таптыыр оҕолорун курдук бүөбэйдээн, сылаас
тыыннарынан угуттаан күнү көрдөрбүт «Бичик» кинигэ кыһатын үлэһиттэрэ
Л.Н. Иванова, А.В. Гоголева ааттарын Дүпсүн дьоно-сэргэтэ билиэхтээх, мах­
таныах тустаах.
Дүпсүн нэһилиэгин историята киэҥ, дириҥ, республика, оройуон
таһымыгар биллиилээх, үтүөлээх-өҥөлөөх дьоно элбэх, нэһилиэк, холкуостар,
541