Page 622 - Дүпсүн сирэ

ла. Тыа хаһаайыстыбатын үлэһит дьонун нэһилиэк баһылыгын солбуйааччы
А.А. Нестеров эҕэрдэлээн туран, анал номинациялары туттарда. Ол курдук,
«Сыспай сиэллээҕи дэлэтээччи» аатын 32 тебе сылгылаах Илья Бочкарев,
«Бастыҥ оҕуруоччут» аатын 3 тонна хортуоппуйу хостообут Тимофей Прибы­
лых, «Элбэх үүтү үрүлүтээччи» аатын 14 тонна үүтү ыабыт Захар Прибылых,
«Бастыҥ бааһынай хаһаайыстыба» аатын 114 тонна сиэмэни быспыт Дмитрий
Илларионов, «Эдэр кэскиллээх сүөсүһүт» аатын Борис Бочкарев, «Торолуйбут
дэлэй сүөһүлээх» ааты 38 төбө сүөһүлээх Алексей Стручков, «Бастыҥ отчут»
аатын 150 тонна оту күрүөлээбит Нестер Молокотин ааттанан сыаналаах бэ-
лэхтэри тутан, күүстээх үлэлэрэ сыаналаммытыттан астыннылар.
Үлэ киһитэ кырдьыктаахтык сыаналанара хаһан баҕарар ылыннарыылаах.
Өр сылларга үтүө суобастаахтык ветеринарынан үлэлиир үрдүк таһымнаах вет­
врач З.Н.Алексеева «Нэһилиэк социальнай-экономическай сайдыытыгар кы-
лаатын иһин» диэн анал бэлиэнэн наҕараадаламмыта сиэрдээх. Бу наҕарааданы
Н.А.Соловьев эмиэ тутта. Олоҕун бүтүннүүтүн ветеринар курдук уустук идэҕэ
анаабыт ветеран үлэһит М.Е.Алексеева Бочуотунай грамотанан бэлиэтэннэ.
Улуус тыатын хаһаайыстыбатын начальнига Н.В.Атласов махтал суруктарын
Борис Бочкарев, кэскиллээх сылгыһыттар Николай Новогородов, Геннадий
Атласов, Николай Лугинов, 2007—2009 сс. үүтү ыаһыҥҥа үрдүк көрдөрүүнү
ситиспит Гаврил Прибылых, 30 төбө сүөһүнү соҕотоҕун көрөр 70-ча саастаах
ветеран сүөсүһүт Вячеслав Гоголев туттулар.
Уоттаах-күөстээх, ньиргиэрдээх музыка доҕуһуоллаах көмүс күөмэйдээх
ырыаһыттар, кулууп директора Василий Петухов, Матрена Белолюбская,
Василиса Копырина, Николай Бурцев, Вячеслав Гоголев ылбаҕай ырыала-
рын быыһыгар Лидия Соловьева көрдөөх-нардаах тыа хаһаайыстыбатыгар
сыһыаннаах оонньуулары тэрийбитэ барыбытын сэргэхситтэ. Ыһыылаах-
хаһыылаах «Ынах төбөтүн сүлүүтэ» күрэх дьон сүргэтин көтөхтө. Уопуттаах
сүөсүһүт осеменатор идэлээх Надежда Сивцева, Афанасий Стручков, Андрей
Соловьев харыларын ньыппарынан, сьшбырҕа туттууларын, сатабылларын,
кыайыыга дьулуурдарын көрдөрөн көрү көҕүлүттэн туттулар. «Кырдьаҕаһы
хааһахха хаалаан сүбэлэт» диэн норуот муудараһа бэргэнник этэринии, уопут­
таах үлэһит Н.И.Сивцева кыайа тутан маҥнайгынан сүлэн бүтэрдэ.
Бу дьоро киэһэ сыаналаах бириистэри олохтоох предпринимателлэр, биир-
диилээн ыаллар, «Сайдам», «Чолбон», «Дүпсүн» ТХПК-ра спонсордаан дьон
сүргэтин көтөхсүбүттэригэр барҕа махтал. Күүстээх үлэҕэ күннэтэ миккиллэр
үлэһит дьон дьоро киэһэ көҕүттэн сынньанан, бириис тутуурдаах дуоһуйан
тарҕастылар.
Агафья Сивцева
Муру саһарҕата. — 2009. — Ахсыннъы 2 к.

538