Page 621 - Дүпсүн сирэ

Балыыһаҕа 1,5 мөлүйүөн солкуобайдаах көмө оҥоһулунна. Дьиэ иһин көрөн
олус астынныбыт. Сорох хосторго миэбэллэр хайыы-үйэ кэлэн турбуттар.
Саҥа дьиэҕэ киирии малааһына культура дьиэтигэр ыытылынна. Нэһилиэк
баһылыга Д.М.Свешников, улуус урукку кылаабынай бырааһа А.Д.Тарскай
«Үтүө дьыала» республикатааҕы тэрилтэтиттэн знагы туттулар. Улуус кылаа­
бынай бырааһа АА.Заровняев Дүпсүн нэһилиэгин бочуоттаах олохтооҕо диэн
ааты ылла. Саҥа балыыһа аһыллан Дүпсүн дьонун үөрүүтэ-көтүүтэ үрдээтэ.
Н.Литвинцев
Мүрү саһарҕата. — 2009. — Кулун тутар 3 к.

Нэһилиэктэртэн сонуннар
Дүпсүн. Улуу Кыайыы 65 сылын көрсө скульптор В.В.Бочкарев эскиһинэн
өйдөбүнньүк бэлиэ оҥоһулла турар. Анал дуоскаҕа Дүпсүн нэһилиэгиттэн 200-
тэн тахса сэриигэ кыттыбыт хорсун буойуттар уонна «1941—45 сс. Аҕа дой­
ду Улуу сэриитин сылларыгар килбиэннээх үлэтин иһин» мэтээлинэн 1947
с. наҕараадаламмыттар ааттара үйэлэргэ умнуллубаттыы үйэтитиллиэҕэ. Бу
күннэргэ сүрүн үлэтин А.А.Протопопов тутууга биригээдэтэ толоро сылдьар.
* * *
Кыстык хаар түһүөн иннинэ нэһилиэк дьаһалтатын үбүлээһининэн трак-
торынан Дүпсүн—Бээди—Дабаадыма суоллара икки грейдэринэн көннөрүллэ
сылдьар.
Светлана Сивцева
Мүрү саһарҕата. — 2009. — Балаҕан ыйын 15 к.
«Дүпсүн» ТХПК (сал. М.И.Егоров) арболит матырыйаалтан саҥа астыыр-
үөллүүр сыаҕын көҥдөйүн бүтэрэргэ дьулуһар. Тутуу үлэтин салгыыр иннит-
тэн пилорамаҕа мае хайыттарар. Итиэннэ үүтү астыыр саҥа оборудование бу­
лан туруорарга үлэлэһэр.
* * *
Сэтинньи 13 күнүгэр нэһилиэккэ тыа хаһаайыстыбатын күнэ ыытылынна.
Бу күн чугастааҕы Найахы, Өспөх, Чэриктэй нэһилиэгин бэрэстэбиитэллэ-
рэ кытыннылар. Быйылгы оттооһун, үүтү туттарыы, ынах сүөһүнү, сыспай
сиэллээҕи дэлэтээччи, оҕуруот аһын үүннэрээччи бастыҥнара аҕыс араас но-
минациянан чиэстэннилэр.
Светлана Сивцева
Мүрү саһарҕата. — 2009. — Сэтинньи 18 к.
Айхал, эһиэхэ, үлэһит дьоҥҥо

Үрүҥ аһы үрүлүтээччи, уйгуну-быйаҥы дэлэтээччи, чэрдээх илиилээх тыа
сирин үлэһит дьонун чиэстиир дьоро киэһэ Дүпсүҥҥэ бэрт сэргэхтик буол-
537