Page 13 - Баһылай-Мүрү. Лена тэрээһиннээх хаһаайыстыба

М.Н.Неустроев, Е.В.Черкашин таһаарыылаах үлэлэрин ахтыбат
буолуохха хайдах да табыллыбат. Туох да омуна суох маннык
мындыр, үлэһит дьон баар буолан, үлэ-хамнас сэргэхтик барар.
Оттон ат өрөҕөтүттэн түспэт сылгыһыттар Афанасий Афана­
сьевич Белолюбскай, Василий Васильевич Яковлев, Егор Афанасьевич
Белолюбскай, Антон Николаевич Портнягин хаһыы сылгыларын
харахтарын далыттан араарбакка төгүрүк сылы быһа оҕолуу
бүөбэйдээн көрөр-истэр буоланнар, сылгы иитиититтэн былааннаах
бородууксуйаны ьыаллар.
Дьэ, бу курдук хаһаайыстыба төһүү үлэһиттэрин күннээҕи
үлэлэрин түмүгүнэн уоскуйан, тохтоон хаалбакка үөһэ салалтаҕа
туруорсан өссө ыллыктаахтык, таһаарыылаахтык ылсан үлэлэһэргэ
быһаарыммыппыт. Үлэ да ол курдук саҕаламмыта. Оччолорго
республика үрдүнэн сиргэ үлэни күүһүрдэр, тупсарар инниттэн
Президенскэй сиэмэ хаһаайыстыбалара тэриллэн барбыттара. Ол
программаҕа киирсэр былааннаах тэрээһин үлэни саҕалаабыппыт.
Онно ирдэниллэр бары докумуоннары хомуйан, сөптөөх базалаах,
ыһыы бааһыналардаах, техникалардаах Саһылыкаан биригээдэтин
1998 сыллаахха П рези ден скэй си эм э хаһаайыстыбатыгар
киллэттэрбиппит. Бу хаһаайыстыба быһыытынан бииргэ тутуһан
үлэлиирбитигэр бастакы сэмэй ситиһиибит этэ.
Эмиэ ити сыл Екатерина Терентьевна өр сыллаах племенной
үлэтин түмүгүнэн саха сылгытын тупсарыллыбыт хааннаах
боруодалар ахсааннарыгар киллэрэн, республикаҕа племенной
хаһаайыстыба буолбуппут. Уопуттаах селекционер-зоотехник
кэскиллээх үлэтэ итинэн эрэ мунурдамматаҕа, 1999 сыллаахха
иитэн туруорар племенной сүөһүлэрин кандидаттан, племенной
хаһаайыстыба буолар быраабын республикатааҕы Племенной Сэбиэт
биир санаанан бигэргэппитэ. Дьэ, бу буолар идэни толору
баһылааһын үтүө холобура диэн. Екатерина Парникова кэккэ
сылларга илиитин араарбакка, кэскиллээхтик үлэлээбит үлэтин
түмүгэ хаһаайыстыба атаҕар турарыгар олук уурбутун, салайааччы
буоларым быһыытынан улахан махталбын тиэрдэбин.
Манна даҕатан эттэххэ, Суотту курдук сырыылаах, кэлиилээх-
барыылаах, дэбигэс киһи ылыммат улахан биригээдэтин Алексей
Андреевич Охлопков кыайа тутан, сатабыллаахтык салайан
үлэлэппитин ахтыбат буолуохха табыллыбат.
Хоноҕор биригээдэтин салайааччыта Ф едот Федотович
республикаҕа хаппыыста үүннэриитигэр бастыҥнар ахсааннарыгар
сылдьыбыта элбэҕи этэр, бэл куорат олохтоохторо “Суотту хаппыыс-
тата хачыгырыыр уонна мичээрдиир” диэн хайҕаан уос номоҕо

9