Page 18 - Баһылай-Мүрү. Лена тэрээһиннээх хаһаайыстыба

Типовой сайылыктары механизациялааһыҥҥа нэһилиэккэ
тэриллибит “Кэскил” кредитной кооператив салайааччыта Вера
Михайловна Константинова Арыы-Тиит уонна Хаҥа сайылыктарыгар
оборудование ыларбытыгар улахан көмөнү оҥорбута.
Тыа сиригэр олорор дьон олохторун уйгута тупсарын, чел
олохтоох буолалларын туһугар олохтоох дьаһалта баһылыга Василий
Иннокентьевич Иванов элбэх өрүттээх үлэни ыытарын ахтыбат
буолуохха табыллыбат. Кини киэҥник тутта-хапта, саҥара-иҥэрэ
сылдьарын курдук олоххо-дьаһахха активнай көрүүлэрдээх, киэн
толкуйдаах, тэрээһиннээх салайааччы. Василий Иннокентьевич
баһылык быһыытьшан ханнык баҕарар хайысхаҕа, үлэ тэрээһинигэр
саҥаны, бастыҥы олоххо киллэриини биир бастакынан өйөөччү,
тэрийээччи. Эдэр сааһышр Суотту отделениетыгар биригэдьииринэн
үлэлээбит буолан, тыа хаһаайыстыбатын курдук уустук салаа бары
куухунатын үчүгэйдик билэр, үөскээбит уустук балаһыанньаны
этинэн- хаанынан чугастык ылынар, күүһэ-кыаҕа тиийэринэн
көмөлөһө, туратыһа сатыыр айылҕалаах. Аныгы сайдыылаах олох
салайааччытын көрүүтүнэн сайылыктар, комплекстар тутууларыгар
наадалаах сүбэлэри-амалары биэртэлиирэ үлэ тэтимин, көҕүн
улаатыннарара.
Биир тылынан эттэххэ, Василий Иннокентьевич тыа сирин
үлэһит дьонун ортотугар сылдьар, улахан убаастабылларынан
туһанар, үлэ оргуйар киинигэр буспут-хаппыт дьоһун салайааччы.
Ол туоһутунан СР тыа хаһаайыстыбатын министерствота салаа
сайдыытыгар элбэх өрүттээх үлэни ыыппытын учуоттаан Василий
Иванову тыа хаһаайыстыбатын туйгуна бэлиэнэн наҕараадалаабыта
элбэҕи этэр. Кини биһиги ыытар үлэбитигэр саҥаны, бастыҥы,
барыстаах технологиялары киллэрэрбитигэр өрүү ыйар-кэрдэр,
сүбэлиир-амалыыр, наада буоллаҕына үбүнэн-харчынан көмөлөһөр.
Биир тылынан эттэххэ, улууска уопсай дьыала иннигэр туох баар
күүһүн-уоҕун ууран үлэлиир нэһилиэк баһылыктарыттан биир
бастыҥнара. Итинник үрдүк сыанабылы өр сылларга бииргэ
үлэлээбит киһи буоларым быһыытынан туох да үлүннэриитэ суох
этэбин.
Тыа сирин дьонун олоҕун-дьаһаҕын, үлэтин-хамнаһын,
ситиһиилэрин, ыарахаттарын үрдүкү салалтаҕа тиэрдэр, туруорсар
ону олоххо киллэрэр тэрилтэбитинэн тыа хаһаайыстыбатын
управлениета буолар. Үлэлээбит кэммэр “эн-м ин” дэсиһэн үтүө
өйдөбүлүнэн ахтан-санаан ааһыахпын баҕарабын бииргэ үлэлээбит
салайааччыларбын управление начальниктарын И .П .Матвеевы,
В.ИДаниловы, Н.ВАтласовы. Туох кистэлэ кэлиэй, үлэҕэ-хамнаска

14