Page 35 - Баһылай-Мүрү. Лена тэрээһиннээх хаһаайыстыба

Тамара Ивановна Мигалкина сылгыһыттары кытары бу салаа
сайдарыгар олус элбэх өрүттэх тэрээһин үлэлэри ыыппыттара.
Сылгы типовой базатын тутууга, эргэлэри сөргөтүүгэ, күрүөлэри-
хаһаалары бэрийиигэ улахан болҕомтолорун уурбуттара. Дьэ, ити
курдук Суотту отделениетын салалтата дьөһөгөй оҕотун үөрдээн
иитиигэ айымньылаахтык үлэлэспиттэрин олохтоохтор күн
бүгүнүгэр диэри үтүө махтал тылларынан ахтан ааһаллара оруннаах.
Зоотехник Василий Павлович 19 сыл Суотту отделениетыгар, 3
сыл “Л ена” совхозка сылгы иитиитигэр, кини айылҕаттан
бэриллибит үтүө хаачыстыбаларын сүтэрбэккэ, чиҥэтэригэр
зоотехник быһыытынан таһаарыылаахтык, айымньылаахтык
үлэлээбитэ. Биир тылынан эттэххэ, сылгыны иитиигэ зоотех-
ническай үлэни ирдэбилгэ эппиэттиирдик тэрийэн ыыппыта.
Суоттуга иитиллэр сылгы хаачыстыбатын тупсарыыга былааннаах
үлэ ыытыллыбыта. Намтан, Дьааҥыттан, Хаггаластан племенной
үөр атыырдарын атыылаһан аҕалан уларытыы, хааны чэбдигирдии
түмүгэр кыһыны тулуйумтуо, төрөлкөй төрүөхтээх киһи сэргиир
сылгыта үөскэтиллибитэ.
Суотту нэһилиэгин сирэ-уота, сайынын мэччирэҥэ, кыһынын
тотоойу хаһыьгга сылгыны үөрдээн иитиигэ табыгастаах сир. Былыр-
былыргыттан иитиллэн кэлбит Суотту сылгыта бөдөҥүнэн,
тымныыны тулуйумтуотунан, хаһан аһьгырынан, мииниллэр миҥэ
быһыытынан ыраах айаҥҥа быстыбатынан, түргэн атахтааҕынан
биллэрэ. Ол курдук Тайах, Бороҕон, Сылгыһыт, Баппаҕай, Сынок,
Дьулустаан түргэн атахтаахтарынан республикаҕа тиийэ аатыр-
быттара. Ити иннинэ Егор Михайлович Заровняев сүүрүгэ “Огдоо-
бо” кьшаттаах сүүрүк быһыьҥьшан уос номоҕо буолан күн бүгүнүгэр
диэри кэпсэлгэ сылдьар.
Нэһилиэккэ саха сылгытын үөскэтиигэ, удьуордаан иитиигэ,
туһунан салаа быһыытынан сайдыытыгар сүҥкэн кылааты киллэрбит
сылгыһытгарынан Белолюбскайдар — удьуор династиялара буолар.
Афанасий Михайлович Белолюбскай — Суотту нэһилиэгин
төрүт уус олохтооҕо. Олох эдэр сааһыттан сылгыһыт идэтигэр
уһаарыл-лан, сыспай сиэллээҕи үөрдээн иитиигэ лоп курдук 28
сыл үрдүк таһаарыылаахтык үлэлээбит дьоһун киһи этэ. Афанасий
Михайлович нэһилиэгэр дьиҥ-чахчы үтүөкэн үлэһит, кэрэ
дууһалаах, көнө майгылаах, улахан ыал кыһамньылаах аҕатын
быһыытынан ытыктанар, убаастанар, кэпсэлгэ сылдьар кырдьаҕас.
Бэйэтин үлэтинэн, тус олоҕун уопутунан үүнэр көлүөнэ ыччакка
үтүө холобур буолбут, элбэх ыччат дьону сылгы курдук уустук,
интэриэһинэй идэҕэ уһуйбут, такайбыт үтүөлээх.