Page 39 - Баһылай-Мүрү. Лена тэрээһиннээх хаһаайыстыба

да уу тиийбэтэ, уу наада диэн тылы үлэлиир кэммэр истибэтэҕим.
Ол гынан баран ис иһигэр киирэн чуолкайдаан бардахха, суоппар
үлэтэ ыараханын, уустуктардааҕын үлэлээбит сылларбар эппинэн-
хааммынан үчүгэйдик билбитим. Оттон суоппар үлэтин туораттан
көрдөххө, массыынаҕа хатааһылыыр туос иллэҥ киһи курдук
санааччылар хомойуох иһин билигин да бааллар.
Ол саҕана совхоз директорынан Степан Гаврильевич Охлопков,
кылаабынай инженердэринэн Николай Гаврильевич Пухов, Михаил
Денисович Моттуев,гараж сэбиэдиссэйдэринэн Гаврил Семенович
Колодезников, Иван Михайлович Васильев, Николай Николаевич
Алексеев үлэлээбиттэрэ. Үлэлиир сылларбар совхоз уопуттаах,
идэлэрин толору баһылаабыт суоппардар Николай Григорьев,
Алексей Парников, Прокопий Шестаков элбэх өрүттээх туһалаах
сүбэлэри-амалары, массыынам алдьанар түбэлтэтигэр бэйэлэринэн
көмөлөһөн биэрэллэрэ. Ааспытын кэннэ туох кистэлэ кэлиэй,
бастаан уруулга олорорбор, массыынам барарын тухары алдьаныан
дылы “летчик” курдук ыытарга үчүгэйэ сүрдээх этэ. Биир
идэлээхтэрим үтүө көмөлөрүнэн, сүбэлэринэн-амаларынан сыыйа
үөрэнэн уопутуран барбытым.
Итинник үлэлии-хамсыы сырыттахпына 1982 сыллаахха
ремонтнай мастарыскыайга ыскылаат сэбиэдиссэйинэн, автопарка
диспетчерынан анааннар, суоппартан тохтуурга күһэллибитим. Ити
эрээри саҥа үлэм хайысхатьшан механизатордары кьггары алтыһарым
үксээбитэ. Ол саҕана ремонтнай мастарыскыай сэбиэдисэйинэн
Николай Бочкарев, Валерий Заровняев үлэлээбиттэрэ.
Мин үлэлиир сылларбар совхоз чемпион суоппардара Алексей
Каратаев, Петр Гоголев, Петр Говоров, Петр Портнягин, Николай
Прядезников, Лазарь Сивцев Иван Дьяконов о.д.а. тустаах
үлэлэригэр чахчы киһи сөҕөр түмүгүн көрдөрбүттэрэ. Кинилэри
кытары биир бириэмэҕэ, биир усулуобуйаҕа алтыһан үлэлээбип-
пинэн киэн туттабын.
1997 сылтан “Лена” производственнай кооператива тэриллэн
үлэтин саҕалаабыта. Кооператив салайаачьггынан “Лена” совхозка
өр сылларга үлэлээн, бэйэтин салайар дьоҕурун көрдөрбүт Семен
Иннокентьевич Портнягин талыллан күн бүгүнүгэр диэри
айымньылаахтык үлэлии сылдьар. 1997 сыллаахха кооперативка
туһунан АЗС тутуллан, онно заправгцигынан үлэлээбитим. Совхозтар
ыһылланнар, тыа сирин бары үлэтигэр ырыынак сыһыана сыыйа
киирэн биригээдэлэргэ баар техникалар, саппаас чаастара, уматыктара
барыта ааҕыллан, чуолкайданан, саҥа усулуобуйаҕа, ирдэбиллэргэ
эппиэттиир сөптөөх тэрээһин үлэлэр ыьггыллан барбыттара.

35