Page 40 - Баһылай-Мүрү. Лена тэрээһиннээх хаһаайыстыба

Автопарка начальнигынан Алексей Андреевич Охлопков анам-
мыта, суоппардарынан Иннокентий Бочкарев, Алексей Каратаев
таһаҕас таһыытыгар үтүө суобастаахтык үлэлээбиттэрэ. Билигин
кооперативка баар спецмассыыналарга үүт таһыытыгар Владимир
Бочкарев, уу баһыытыгар саамай уһуннук үлэлээбит 30 сыл үлэ
стажгаах суоппар Егор Парников сылдьаллар.
Биһиги үлэлиир кэммитигэр автопарка элбэх үлэһиттээх, үгүс
техникалаах улахан коллектив этэ. Техникалар туруктарын
бэрэбиэркэлэтэллэригэр совхоз бары отделениеларьптан массыына-
лар бары биир сиргэ Суоттуга кииннэнэн “техосмотру” ааһаллара.
Гаражпытыгар техника үлэһиттэрэ бэйэбит күүспүтүнэн кыһыл
муннук оҥостон сынньанарбыт, уопсай мунньахтары ыытарбыт,
социалистическай куоталаһыы түмүгүн таһаарарбыт, саахымакка,
дуобакка күрэхтэһиилэри, араас мероприятиелары ыытарбыт.
Биир тылынан эттэххэ, техника үлэһиттэрэ күүстээх үлэни,
көхтөөх сынньалаҥы дьүөрэлээн бэрт сэргэхтик, бэйэ-бэйэни
өйдөһөн, өйөһөн үлэлээбит сылларбын, төһө даҕаны суоппар үлэтэ
уустуктардааҕын үрдүнэн олус күндүтүк саныыбын.
Анна Ильична Сивцева,
«Лена» производственной кооператив
отдел кадрын специалиһа.

Сөптөөх идэни талбыппын

Суоппар идэтин кыра эрдэхпиттэн сөбүлүүрүм. Оҕо сылдьан
оччотооҕу уолаттар, велосипед көлүөһэтин төкүнүтэн сайылык
алааһын биир тына бирилитэн-барылатан улахан массыынаны
ыыппыт курдук сананарбыт, улахан иһирэх дуоһуйууну ыларбыт.
Ити курдук, мэник-тэник оҕо сааспыт биллибэккэ ааспыта. 1976
сыллаахха Суотту орто оскуолатын бүтэрбитим. Оттон тута
Сэбиэскэй аармыйа кэккэтигэр ынырыллан 1976-78 сылларга ытык
иэспин төлөөн сулууспалаабытым. Аармыйаттан кэлээт “Лена”
совхоз Суоттутааҕы отделениетыгар араас үлэлэргэ рабочайынан
үлэлээбитим.
Оттон оҕо эрдэҕинээҕи баҕа санаабын толорон Намҥа 2-ис
нүөмэрдээх СПТУ-га суоппар-тракторист-слесарь идэтигэр үөрэм-
митим. 1982 сыллаахха үөрэхпин бүтэрэн профессионал суоппар
идэлээх бастаан Суотту отделениетыгар үүтү таһар массыынаҕа

36