Page 13 - Кырдьаҕас үөрэх кыһата Дүпсүн орто оскуолатын 135 сыла

общественнай үлэлэргэ активнайдык кыттыбыта. “Трактор”, “Үүнүү”,
“Кэлэдимэ”, “Хаачылыма” колхозтары тэрийбитэ. 1930 сылтан Дүпсүн,
Бороҕон, Байаҕантай улуустарын холбоон Уус-Адцан оройуонун тэрийэр
дьадаҥылар сьезтэрин делегата этэ.
Федоров В.Г. Дьокуускайдааҕы педтехникуму 1932 с. бүтэрэн Танда
7 кылаастаах оскуолатыгар биир сыл учууталлаабыта. Онтон 1933
сыллаахха төрөөбүт Дүпсүнүгэр оскуола директорынан ананан кэлбитэ.
Оччолорго баара-суоҕа 21 эрэ саастааҕа. Үөрэх наркома Жирков И.Н.
быһаччы өйөөһүнүнэн эдэр директор Дүөндүгэ икки этээстээх оскуола
тутуутун саҕалыыр. Федоров В.Г. саталлаах салайыытынан, дьону үлэҕэ
түмэ тардыытынан, урукку Дүпсүн улууһун 7 нэһилиэктэрэ көмөлөөн ,
биир сыл иһигэр оскуола тутуллан үлэҕэ киирбитэ. Василий Гаврильевич
итинтэн салгыы оройуоннааҕы үөрэх салаатын сэбиэдиссэйинэн ананар
уонна оройуон үөрэҕириитин туһугар элбэх сыратын биэрбитэ.
1937-38 сс. учууталлар идэлээх союзтарын уобаластааҕы комитетын
председателинэн өрө таһаарыллар. ССРС учууталларын вдэлээх союһун
Киин Сэбиэтин чилиэнинэн талылла сылдьыбыта.
1939-41 сс. кини Саха АССР Верховнай Советын дьыалаларын
управляющайынан үлэлээбитэ. Сэрии сылларыгар уонна биэс уонус
сылларга Чурапчы, Уус-Дьааҥы, Амма райкомнарын секретарынан
үлэлээбитэ. 1955 сылтан 1962 сылга диэри маҥнай Дүпсүннээҕи, кэлин
Уус-Алданнааҕы МТС директорынан, 1962-1969 сылларга райсовет
исполкомун солбуйар председателинэн, Заречнай, Среднеленскай
производственнай управлениеларга эппиэттээх дуоһунастарга, 1969
сылтан Уус-Алданнааҕы "Сельхозтехника" управляющайын
солбуйааччынан, Хоро нэһилиэгин исполкомун председателинэн
үлэлээбитэ.
В.Г. Федоров дьон-сэргэ убаастабылынан туһанар, олоҕун барытын
төрөөбүт норуотун сайдарыгар анаабыт талааннаах салайааччы,
тэрийээччи, үтүөкэннээх үлэһит киһи этэ.