Page 14 - Кырдьаҕас үөрэх кыһата Дүпсүн орто оскуолатын 135 сыла

бу үрдүк аат оччолорго иҥэриллибэтэҕэ. Кыайыы 51 сылын көрсө
кырдьыктаах дьыала кыайан, 1941-1945 сс. Аҕа дойдуну көмүскүүр Улуу
сэриигэ фашистскай халабырдьыттары кытта охсуһууга көрдөрбүт эр
санаатын уонна геройдуу быһыытын иһин М.М.Стрекаловскайга Россия
Геройун аата иҥэриллибитэ.
Сэрииттэн эргиллэн баран оройуон үбүн салаатыгар бухгалтерынан,
госинспекторынан, киин сберкасса сэбиэдиссэйинэн, Өнөр
отделениетын партийнай тэрилтэтин секретарынан,сельсовет
председателинэн, ойуур хаһаайыстыбатын леснигинэн үлэлээбитэ.
Пенсияҕа тахсан баран булдунан дьарыктаммыта.
Михаил Михайлович эйэлээх бириэмэҕэ “Килбиэннээх үлэтин
иһин”, “ В.И.Ленин төрөөбүтэ 100 сылын бэлиэтээн. Үлэҕэ килбиэнин
иһин” медалларынан, Саха АССР Верховнай Советын Президиумун
Бочуотунай Грамоталарынан наҕараадаламмыта. Дүпсүн, Өнөр, Мүрү
оскуолаларын бочуоттаах пионера этэ. Саха норуотун ньургун уола,
хорсун буойун, Россия Геройун үтүө аата, көлүөнэттэн көлүөнэҕэ
умнуллубат.

2. ОСКУОЛА КЫЛГАС
ИСТОРИЯТЫТТАН.

1862 с,- Приходской оскуола аһыллар. Учуутал - псаломщик
Евстафий Лонгинов.
1870-1875 сс,- Улуус суруксута Яков Худяков бэйэтин дьиэтигэр
чааһынай оскуола үлэлэтэр.
1875 с. - Оскуола уоспа ыарыынан сибээстээн сабыллар.
1875-1880 сс. - Странден Н.П.,Ермолов П.Д., Юрасов Д.А. чааһынай
оскуола үлэлэтэллэр.
1880 с. - Үөрэх министерствотын дьаһалынан 1 кылаастаах
народнай училище тэриллэр.
1890 с. - Таҥара дьиэтин иһинэн таҥара үөрэҕин үөрэтэр оскуола
тэриллэр, онон Дүөндүгэ 2 оскуола баар буолар.
1893 с. - В.В.Никифоров бэйэтин үбүнэн оскуолаҕа анаан алта
хостоох дьиэни туттарар.
1898 с. - Ыраахтааҕы Петербургдааҕы кистэлэҥ советнига
И.И.Маслов тыа сиригэр училищелары туттарарга кэриэһин этэн
хаалларбыт үбүнэн Саха сиригэр 4 училище тутуллубутуттан
В. В.Никифоров туруорсуутунан 1 кылаастаах народнай училищеҕа
анаан Дүөндүгэ оскуола дьиэтэ тутуллар. Бу оскуолаҕа 10 оҕо, тан ара
оскуолатыгар 7 оҕо үөрэнэр. Кэлин училище 2 кылаастанар уонна
Советскай бьшаас буолуор диэри уларыйбакка үлэлиир.
1912 с. - Училище иһинэн пансион аһыллар.