Page 11 - Кырдьаҕас үөрэх кыһата Дүпсүн орто оскуолатын 135 сыла

сайдыыта”, “Сибиир уонна Дальнай Восток этнопедагогиката” диэн
монографияларыгар норуот оҕону иитиитин ньыматын чинчийбитэ
Виктор Федорович Афанасьев - Виктор Алданскай норуокка киэн ник
биллэр сатирик-поэт. Кини “Саха сирэ барахсан “,”Күҥҥэ түспүт
күлүктэр”,”Ис эриэнэ” о.д.а. кинигэлэри бэчээттэппитэ. Үгүс
хоһоонноро ырыа буолан ылланаллар. Холобур, “Эбээн кыыһа
доҕорум”,”Булчуту атаарыы”,”Дүпсүн сирэ”.
В.Ф.Афанасьев төрөөбүт сирин, Дүпсүнүн кытта ыкса сибээстээҕэ,
дьиҥнээх патриот киһи этэ. Уус-Алдан, Дүпсүн үөрэҕин сайдыытыгар
үтүөлээх дьоннор ааттарын бэйэтин үлэлэригэр ахтан-санаан үйэтиттэ.
Дүпсүн сирин историческай миэстэлэрин, дьоннорун үйэтитэргэ өйүн-
санаатын, күүһүн-күдэҕин уурбута. Дүпсүн томторугар бастакы
комсомолецтар уҥуохтарыгар, Өнөр сиригэр Улахан Алааска кыыллыы
өлөрүллүбүт Петр Федоров аҕатынаан көмүллүбүт сиригэр, Дүпсүн
оскуолатын 100 сылын кэрэһэлиир “Үүнүү” колхоз сиригэр 1-кы ТСОЗ
тэриллиитин чиэстиир, Остуойкаттан Аҕа дойду сэриитигэр баран
өлбүттэр ааттарыгар памятниктары бачыым көтөҕөн оҥотторбута.
Норуот туһутар олоҕу олорбут, элбэх үлэни үлэлээн ааспыт бөдөҥ
педагог, педагогическай наука доктора, профессор, сатирик-поэт,
муударай наставник В.Ф.Афанасьев Уус-Алдан улууһун, Дүпсүн
нэһилиэгин бочуоттаах гражданина, Саха Республикатын наукаҕа
үтүөлээх деятелэ, К.Д.Ушинскай, Н.К.Крупская, А.С.Макаренко
ааттарынан Государственнай бириэмийэлэр лауреатгара, Саха АССР
уонна РСФСР үтүөлээх учуутала этэ.

Үтүөкэннээх киһи, салайааччы.
(Федоров Василий Гаврильевич)

Федоров Василий Гаврильевич 1912
сыллаахха от ыйын 11 күнүгэр Дүпсүн
улууһугар Тэбиик нэһилиэгэр дьадаҥы
бааһынай кэргэнигэр төрөөбүтэ.
Дүпсүн 7 кылаастаах оскуолатын
бүтэрбитэ. Кини тэрийэр, салайар
дьоҕура эдэр эрдэҕиттэн биллибитэ.
Өссө оскуолаҕа үөрэнэ сылдьан Өнөр
нэһилиэгин Сэбиэтин исполкомун
секретарынан үлэлээбитэ, сир
үллэһигэр, хотону дьиэттэн араарыыга,
үөрэҕэ суохтары үөрэхтээһиҥҥэ уо.д.а