Page 36 - Элэс Боотур Бүөтүр Оҕотоойоп

34 п. В.

Тэйиэккэлээн кэлэр
Тэһии тэриэлкэлээх,
Чохчоохойдоон кэлэр
Чобуо чохоолоох,
Кырыытынан дайан кэлэр
Кытыгырас кытыйалаах,
Көтүөкэлээн кэлэр көһүйэлээх,
Чугууһут чугууннаах,
Табаһыт чабычахтаах,
770 Хаһыытыыр хамыйахтаах,
Орулуур удьаалаах,
Солуну кэпсиир
Суо-хаан солуурдаах,
Уруйдуур - айхаллыыр
Улахан остуоллаах.
Бу буор хайа сада
Багдайбыт таһаалаах
^Баараҕай балаҕан баһылыга,
Иэримэ дьиэ иччитэ
780 Кимий-хайаный диэн)
Кэриччи көрдөххө —
Орто дойду
Улуу дуолана,
Күн сирин
Күлүмэх күүстээҕэ,
Айыы сирин
Албан-дьоһун ааттааҕа
Уҥа атаҕын
Оллооннуу ууран
790 Уоту көрөн
Олорор эбит.
Ханнык ыар санааҕа баттатан,
Туох дириҥ толкуйга түһэн,
Ал гыстаах- силиктээх
Аал уотун
Тонолуппакка тобулу одуулаан
Олорор эбит диэтэргит —
Адамсыйбыт сылгы
Ардайдаах сиэлин
800 Арыйа баттаабыт курдук