Page 40 - Элэс Боотур Бүөтүр Оҕотоойоп

3 8 П. В. ОГОТОЕВ

Алта былас кэриҥэ
Дарайар сарыннаах,}
Тоҕус мастаах оночону
Туруору туппут курдук
Дүгдэйбит дуолан хара көҕүстээх,
Чаан олгуй caija
Суду улахан төбөлөөх,
Саннын байаатыгар диэри
Таҥнары уунэн
930 Намылыйан туспут
Куударалаах баттахтаах,
Икки сур кырынаас кутуругун
Субуруччу уурталаабыт курдук
Хап-хара хаастардаах,
Икки эрэһэлээх үүн тиэрбэһин
Кэккэлэччи туппут курдук
Эрилкэй харахтардаах,
Икки тэргэн ыйым
Тэнэ буолбут
940 Кэрэ-чуор кулгаахтардаах,
Икки кэрэмэс саһылы
Кэккэлэччи туппут курдук
Тэтэркэй имнэрдээх.
Суон мүһэ курдук
Субуллаҕас муруннаах,
Хоппо күрдьэх саҕа
Кудумньулаах куорай-далаан ытыстаах,
Уон тыһы кырынааһы
Бааралыы туппут курдук
950 Бабыа комус тарбахтардаах,
Бараа быччьпгнаах,
Баттах сарыннаах,
Быһыйга быһыылаах,
Бөҕөҕө мөссүөннээх^
Ньыгыл борбуйдаах
Ньылха куҥнаах,
Дүлүҥ-бараа үскэллээх,
Суду бараан дьүһүннээх,
Хаан-чаҕаан сэбэрэлээх,
960 Харытын көрүнэ-көрүнэ