Page 32 - Элэс Боотур Бүөтүр Оҕотоойоп
P. 32
Силиргэхтээх тиит
Тирээбиллээх эбит.
Аҕыс үйэ турдаҕына
Айгырыа диэн
Аҕыс уон аҕыс
Аараҕай тиит
Астарыылаах эбит.
Тоҕус үйэ турдаҕына
Тулхадыйыа диэн
610 Тоҕус уон тоҕус
Толуу тиит
Тулааһыннаах эбит.
Үлүскэннээх, үлүгэрдээх
Үөһээ бөҕөттөн
Үргүөр үргүйүө,
Үлүгэр үөдүйүө диэн
Үтүө мастарынан
Үс хос үрүттээн баран
Үс арсыын холобурдаах
620 Үрүҥ туой буору
Өрө ыһан күдээритэн кэбиспиттэр.
Алдьархайдаах аллараа дайдыттан,
Аат айаҕыттан
Аргыар аргыйыа,
Алдьархай ааҥныа диэн
Алта хос
Аарыма мастарынан
Алыннаабыттар эбит.
Оһоллоох орто добун дойдуттан
630 Оһол-төрүөт ороһуйуо,
Ороскуоту таһаарыа,
Күүрээннээх көй салгын
Көмүс уорукпутун
Көҥүтэ сынньан
Көҕүс ыарыы гыныа,
Алдьархайдаах аан халарык
Алаһа дьиэбитин
Ардьаах туу курдук
Ардьыгыначчы охсон
640 Ааспат-арахпат
