Page 121 - Сергей Васильев. Хоһооннор, поэмалар

Тулабар
Тулааһын буолбутуҥ иһин,
Сибиин сүөгэйгин ыытан
Сэриибэр
Сиилэ 'буолбутуҥ иһин
Урааҥхайдарга
Умнуллубат уруй буоллун,
Сахаларга
Саргылаах махтал буоллун!» — диэн
Ильич куората бухатыыр
Илиитин уунан далбаатаата.

Ол кэмҥэ:
«Буор биэрэк
Буойунугар Ньургуҥҥа,
Кыраай дойду
Кырдьаҕаһыгар эйиэхэ,
Умнуллубат
Уруй буоллун!» — дэһэ-дэһэлэр
Омук-омук
Улуу куораттара? — бухатыырдар
Илиилэрин таһынан
Эҕэрдэлээн ньиргиттилэр.

Ити курдук,
Ийэ сирбит уорҕатыгар
Дуулаҕа бухатыырдар
Тоҕуоруһан тураннар,
Үрүҥ көмүс үҥүүлэрин
Өндөл маҥан халлааҥҥа
Үмүрүччү өрө ууннулар
Уонна үс төгүл:
«Уруй
Улуу кыайыыга!» — диэн
Ураатаан уораһыттылар...

1944 с.