Page 245 - Сергей Васильев. Хоһооннор, поэмалар

Ийэм-аҕам
Эйэҕэс үөрүүтүнэн
Испиттэн эпчимирэн,
Үтүө дьонум
Үрдүк дьулуурунан
Өрө көтөҕүллэн —
Тоҥу тсҕу хаһаары,
Суорбаны супту суораары,
Ссйуодуйбут чобуо хойгуолаах
Соруйан оҥостон турабын.
Харыбыд өрө тиэринэн,
Быччыҥмын күүскэ күүрдэн
Күр буору хаһан,
Күрбэ тааһы хостоон,
Ааттаах электростанция
Акылаатын түһэрэр соруктаахпын,
Элбэх ыаллаах түөлбэбин
Ильич уотунан сандаардар былааннаахпын
Өрүс сүүрүгүн тэһииннээн —
Өрө сүүрдэн килэтэн,
Улуу Аҕа дойдум
Уорҕатын угуттатан,
Өлгөм үүнүүнү ылар
Үрдүк былаан олохтоҥор;
Кыһыл кумахха
Кырыс түһэрэн,
Киэҥ куйаары чэлгитэр
Кэскиллээх үлэ барҕэрар...
Дьэ эрэ,
Чобуо хойгуом,
Чоной эрэ,
Чокуллуо буору
Тоҕута күөргэллээн!
Ыстаал эрбиим,
Ыллаа эрэ,
Чиргэл маһы
Тэҥнии үөрэҕэстээн!
Дьэ эрэ,
Колхэзтаах хоодуоттарым, —
Хоһуун ыччаттарым,
239