Page 302 - Сергей Васильев. Хоһооннор, поэмалар
P. 302
Киэҥ Ленам кытылыгар
Кирээдэлээн үүннүлэр,
Ача-солко быыһыгар
Аралыһан кэллилэр.
Сырдык түүн чуумпунан нуктатаҥ,
Сылаастык сынньатан утуттун;
Сарсыарда саһарҕа кэтэһэн,
Саҥа күн уруйдаан туруордун!
Толоонум туманын сиигэ
Туналыйар ньуургутун сууйдун;
Сахам сирин саймаархай күнэ
Саргылаах сардаҥанан кууртунГ
Иитиллибит Ийэ дойдум
Эҕэрдэлээх дьикти симэҕэ
Эһигинэн эбилиннин!
Уруйдаах уһун сааһым
Умуллубат сырдык үөрүүтэ
Уһуорунан. сэлэлэннин!
Эһигини хоту кыраайга
Элиэ кытаахтаан аҕалбатаҕа,
Эбэтэр ханнык эрэ түбэлтэҕэ
Имэҥнээх тыал бырахпатаҕа.
Таһаардылар манна эһигини
Талааннаах нарын илиилэр,
Үүннэрдилэр, дьэрэлиттилэр эһигини
Үрдүк үтүө үөрүүлэр.
Махтаныҥ, саҥа сибэккилэр,
Манна, хоту үүммүт үөрүүгүтүгэр!
Кавказ да сыралыгар, Дьааҥы да
дьыбарыгар
Хагдарыйбат уһун үйэҕитигэр!
Махтаныҥ: —
Чысхааҥҥа' тымныйбат
тыыннаммыккытыгар,
Курааҥҥа кубарыйбат
хоруоҥкаламмыккытыгар,.
296
