Page 305 - Сергей Васильев. Хоһооннор, поэмалар
P. 305
Ол Эһиги буолуоххут—маны туппуттар,
Эбэтэр—академиктар, профессордар...
Баҕарабын бастаан эһиэхэ аан аһан иһиэхпин.
Барыгытыгар миэстэ туран биэриэхпин.
Махтанабын бу баараҕай кыайыыгытыгар,
Бастыҥ, сырдык дьыалаҕытыгар.
Баҕарабын бу улуу дыбарыас үйэттэн үйэҕэ
Баҕаналыын, кирилиэстиин күлүмнүү турарыгар!
Дьон-норуот өйүгэр, олоҕор—биһиэхэ
Дьолунан, үөрүүнэн сыдьаайа тыгарыгар!
Манна кэлэн бүөбэйдэниэхтэрэ,
Кынаттанан үрдүккэ-чыпчаалга көтүөхтэрэ:—
Улуу Сибиртэн, ыраах Ленаттан,
Кэрэ Кавказтан, кырдьаҕас Киевтэн.
Кэлиэхтэрэ манна: мин оҕолорум,
Кэтэһэр дьоллонор—-сиэттэрим.
Махтаныахпын баҕарабын:—бары урууларым,
Үөскүүр-үүнэр ыччаттарым,
Өрдөөҕүтэ да өлбүт эһэлээх эбэлэрим аатыттан!
Ылыҥ, ыраах олохтоох еаха
Ыраас, итии тапталын!
Эймэһийэ үөрбүт аҕа
Истиҥ уйаҕас махталын!
1953 с.
