Page 322 - Сергей Васильев. Хоһооннор, поэмалар

Д Ь О Н - Н О Р У О Т С А А С К Ы Т А
Дьон-норуот дуулаҕа дьулуурун күүһүнэн
Хотугу кыраайбыт уорҕата киэркэйдэ,
Күөх кырыс чэлгийэн, көбүөрдүү симэнэн,
Киэҥ киллэм унаара-мэнээрэ долгуйда.
Күндээрэр күн уота күлүмнээн таҕыста,
Дьол-соргу чыычааҕа уйатын тутунна.
Таас хайа тоҥ чэҥэ сүүрүккэ суулунна,
Үргүбүт сылгылыы айманан уһунна.
Тапталлаах Өлүөнэ күөх нуолур биэрэккэ
Таһымнаан таҕыста киэҥ хочо устунан,
Ол курдук, олохпут харгыны билбэккэ,
Барҕарар улуу дьол дьуолкалаах суолунан.
Дьон-норуот дуулаҕа дьулуурун күүһүнэн
Хотугу кыраайбыт уорҕата киэркэйдэ,
Күех кырыс чэлгийэн көбүөрдүү симэнэн
Киэҥ киллэм унаара-мэнээрэ долгуйда.

1939 с

316