Page 405 - Сергей Васильев. Хоһооннор, поэмалар

Өлөксөй:
«Оо, оскуолабын хаһан тутан
бүтэриэхтэрэй,
Обкомҥа, убайдарым бу үлэбин тугу
диэхтэрэй?»—диэх курдук санаата.
Атын суолга салайа баттаата.
Күн айыы оҕото дьоруолаата,
Көмүс үүн кылырҕаата.

ИККИС ЫРЫА

Поэзия
«Тэбэр тураҕас» соноҕоһо
Тэһиин бөҕөтүнэн хантаччы тардыллан
Аччыгый оҕо суолун солоон,
Алар аайы саараан, тохтоон,
Алаас, үрэх халдьаайытынан,
Ампаар, хоспох тулатынан
Бытааннык айаннаан сэгэлдьийдиҥ,
Быһыыта, ааҕааччыны саҥардан
чөрбөлдьүйдүҥ.
Аччыгый уол борбуйун котеҕөн,
Арчылардаах аартык көмнөҕүн силэйэн,
Дьуолкалаах суолу тосхойдо,
Туруору дабааны дабайда...

«Тэбэр тураҕас» соноҕос,
Тэһииҥҥин кыратык ыыттаран,
Тибиилээх да суолу тыырдаран
Көнөтүк, холкутук айаннаа,
Көстөөх сирдэри уҥуордаа,
Аргыстар даҕаны тиэтэтэллэр,
Арҕаалаабыт күннэр түргэнник
тимирэллэр.

Баҕар түргэннмк ахсымыран,
Баай-хара тыаны күөҥҥүнэн барчалаа,
Баҕар айаннаан да иһэн хантаһыйан,
Барылаччы-дырылаччы кпстээ.
Кистэнньэҥ ат кэпсээҥҥэ сылдьар,
Кшш иһэрэ ыраахтан биллэр.
399