Page 407 - Сергей Васильев. Хоһооннор, поэмалар
P. 407
Уоллаах кыыска, өйдөрүгэр
Умнуллубат төлөн саҕылынна.
Дьиэлэрин иһэ кыараата,
Чэйдиин, саахардыын сымсаата,
Түннүгү өрүү одууластылар,
Түөстэрэ туолан уһуутастылар.
Өлөксөй киэһэ аайы тахсан
Өр уулуссанан хаамыталыыр,
Өлбөеркөй ыйы үтүктэн
Өкүүчэ түннүгүн маныыр.
Биирдэ, ый быыһа хараҥа
Биллэрбэккэ, кистээн аҕалан,
Олбуор муннугар эмискэ
Уоллаах кыыһы тиксэрдэ.
Саҥата суох илии тутуһан,
Саба түсүһэн турдулар.
Хатан сулустар чугуһан,
Былыты быыһынан көрдүлэр.
Сэргэетэһэн, бытааннык хаамсан,
Сэрэһиинэн, үксүн таайсан,
Биир санаанан кынаттанан
Бэрт ырааҕынан дайдылар,
Кэрэ кэскил ыраланан,
Кэлэр дьолу ыймахтаатылар.
Дьиэлэригэр баран да уоскуйбатылгр,
Сытан даҕаны утуйбатылар.
Сүрэх үөрэн өрүкүйдэ,
Сүүс санаа сүүрүгүрдэ.
Аан бастакы уураһыы,
Албына суох таптаһыы,
Оо, сылаайын, итиитин,
Уматан, долгутан кэрэтин!
Өлөксөй утуйбакка сытан,
Үөрүүлээх санаа ойуутун аттаран,
26 Сергей Васильев 401
