Page 406 - Сергей Васильев. Хоһооннор, поэмалар
P. 406
Дьокуускай мае дьиэлэрэ
Чохчолоһо симсэн тураллар.
Токур, кыараҕас уулуссалара
Толугурас тэлиэгэнэн туолаллар.
Күһүн, киэһэ аайы киэҥ Туйм&аданы
Күдээрэр, сөрүүн тумара
Саба бүрүйэн нуктатар.
Олбуор ахсын айаарбыт
Омуннаах «тирам» гармошкалар
Утуйан ах бараллар.
Уулуссалары киэптии быластаабыт
Улахан хаһыырар итириктэр
Охтон оруласпат 'буолаллар.
Утуйбут куорат уһуктар,—
Олбуордар ааннара аһыллар,
Ынахтар тахсан маҥыраһаллар,
Ыттар үрэн ньалыгыраһаллар.
Өлөксөй куоракка киирдэ
Үргүлдьү үөрэҕэр сүүрдэ...
Үөһээ этээскэ тахсан иһэн
Өкүүчэлиин көрсүһэ түстэ,
Ис сүрэҕиттэн үөрэн,
Эмисхэ, иэдэетиин итийдэ.
Кыыс имэ эмиэ кытарда,
Кытаанахтык сымыһаҕын быһа ытырда.
Соһуйбуттуу илии тутуһаат,
Сулбу аасыһан хааллылар.
Ханна: эрэ ыраатьтһаат
Хайдах эрэ хараастылар.
Сүрэхтэрэ босхо толугураан,
Сүүрбүт курдук битигирээтэ,
Тыыннара бөтө биэрэн, кылгаан,
Хайдах эрэ аҕылагла.
Эдэр сүрэхтэр истэригэр
Иһийбит таптал уһугунна,
4С0
