Page 411 - Сергей Васильев. Хоһооннор, поэмалар

«Земпередел, земпередел» дэһэн
Сипсиһии, сибигинэһии элбээтэ.
Куорат оскуолатын «оҕолоругар»
Куруутун мөккүөрдэр буоллулар,
Сорохтор тылларын уоттарыгар
Соллоҥноох төлөннөр умайдылар.

«Кунаахап» Дьөгүөрдэр, Кубаачалар
Онтон да атыттар:
«Кулаактар үптэрин-астарын хол'боон,
Ходуһаларын, бааһыналарын уопсайдаан,
Артыалга киирэр буоллахтарына,
Атырдьах, кыраабыл туттахтарына,
Кулаак буолаллара сатаммат,
Куоластара быһыллара табыллыбат»,—
—Кистии-саба куолулаатылар,
Киһинэн киһини ускайдаатылар.
Туохтан эрэ соһуйан уйгуурбут
Тураах оҕотун курдук буолбуттар,
Тура-тура хаамсаллар,
Туоххаһыйан-мунчааран тахсаллар.
Сорохтор, үөрэхтэрин быраҕан, '
Суолу-ииһи тоһуйан,
Сууттарга, тыаларга үлэҕэ бардылар.
Сорохтор кумааҕыга саҕан,
Соллоҥноох урууларыгар талан,
Өһүөннээх, өргөстөөх тыллары
суруйдулар,
Үс саха иҥнэстэр көрдүгэнин ыыттылар.
Тоҥ күөнүнэн туруулаһарга ыҥырдылар,
Туох баар муоһу тоһутуһарга
сананнылар.
* *
*
Сүөдэр атыыһыт биир киэһэ куораттан
Сүрдээх суругу ылла уолуттан.
Кырдьан чэҥ буолбут хараҕа
Кыа-хаанынан оҕуолуу кытарда.
Саҥатыттан-иҥэтиттэн матан,
Саппыйатыттан теҥүргэс ылан сиэтз.
405