Page 12 - Сергей Васильев-Борогонскай. Поэт уонна гражданин

3.К.Башарина

С.С.ВАСИЛЬЕВ ОЛОҔО, АЙАР ҮЛЭТЭ
УОННА БИЛИНТГИ КЭМ

Саха басгакы калүөнэ поэтгарыпан биирдэстэрэ, ПАОйуу-
нускай аатынан государственнай бириэмийэ лауреата, госу-
дарственнай, общественнай деятель С.С.Васильев—Бороҕон-
скай олоҕо, айар үлэтэ сыл-хонук ааһан истэҕин аайы суол-
тата үрдээн иһэр. «Большое видится на расстоянии» диэн
С.Есенин эппитинии, үйэлээҕи оҥорбут дьон үлэлэрэ, ки-
нилэри үөрэтэр, ааттарын үйэтитэр дьон баар буоллахтары-
на, тиллэн арылыччы көстөр, олоҕу кытта тэҥҥэ хардыы-
лыыр. Биир бастакынан кини аатын үйэтиитигэ туруорсубут
дьон — поэт биир дойдулаахтара уонна оҕолоро.
Поэт улахан кыыһа С.С.Васильева-Донская кэргэнин
народнай суруйааччыны Р.Д.Ермолаев—Баҕатаайыскайы кытта
1997 с. «Биһиги Сэргэйбит» диэн ыстатыйалар, ахтыылар
кинигэлэрин таһаарбыттара. Бу кинигэттэн билиҥҥи ааҕааччы
С.Васильев олоҕун, айар уонна государственнай, обществен­
най үлэтин туһунан кинини кытта бииргэ үлэлээбит үөлээн-
нээхтэрин, биллиилээх учуонайдар, суруйааччылар ахтыыла-
рыттан билэллэр. С.Васильев туһунан үлэлэртэн чорботон
учуонайдар Н.З.Конырин, И.С.Портнягин, Г.П.Башарин аат­
тарын бэлиэтиэм этэ.
С.С.Васильев—Бороҕонскай 1907 с. балаҕан ыйын
25 күнүгэр, бэйэтэ эппитинии, солко оттоох, дьоһун-мааны
дьоннордоох, үлүскэннээх сүүрүктээх, нуучча хаһаактара
кэлэн Дьокуускай остуруогун туппуг сирдэригэр Бороҕон улуу-
һун Суоттутугар төрөөбүтэ. Аҕата Степан Еремеевич Ва­
сильев номоҕон дьүһүннээх, аҕыйах саҥалаах, модьу-таҕа
күүстээх киһи этэ. Ийэтэ Матрена Филипповна Васильева
(Шелковникова) бэргэн тыллаах, хомоҕой кэпсээннээх, то-
ҕус оҕо амарах ийэтэ этэ. Аҕатыттан тас көрүҥүн, ийэтиттэн
ис кэрэтин, талаанын ылбыт эбит. Кини «Аҕыйах тыл» диэн
олоҕун кэпсээнигэр киэһэ утуйалларыгар ийэтэ оҕолорун
хоонньугар, атаҕар илдьэ сытан, күнүһүн тула олордон хай­
дах остуоруйалыырын махтанан, уйадыйан ахтар. Поэт
уйаҕас иэйиилээх хоһоонноро ийэтигэр истиҥ тапталыттан
угуттаммыт эбит дии саныыгын.

10