Page 13 - Сергей Васильев-Борогонскай. Поэт уонна гражданин

С.Васильев Дьокуускайдааҕы педтехникумҥа үөрэнэ сыл-
дьан 1929 с. «Арамаан артыала» диэн поэманы суруйбута.
Поэмаҕа кини бэйэтэ хараҕынан көрбүтүн, инчэҕэй этинэн
билбитин, истибитин ойуулаан көрдөрбүтэ, төрөөбүт дойду-
тугар, Бороҕон улууһугар, сир түҥэтигэр колхуостары тэ-
рийэргэ быһаччы кыттыбыта, ол кэмҥэ эдэр поэт баара-суоҕа
22 саастааҕа.
Кини фольклорга тирэҕирбитэ поэматын, айар үлэтин
күүстээх өттө буолар. Олоҥхоҕо туох-ханнык иннинэ сир-
дойду хоһуйулларын курдук поэма уус-ураннык айьыҕаны
ойуулааһынтан саҕаланар:
Илин халлаан иититтэн,
Итир бшыт кэнниттэн,
Сарыал уота чаҕылыйан
Саҥа кунүм арылыйан,
Көрөн-ойон күөрэйдэ,
Күлүм-дьирим күөгэйдэ.
Поэмаҕа автор киһи, айылҕа, техника алтыһыыларын
дьүөрэлээн, уус-ураннык уобарастаан ойуулуур. Холобура,
күүстээх-уохтаах техника тыастыын-уустуун киһи хараҕар субу
көстөн кэлэр:
Барыный түүнү сырдатан
Барабыык дъиэтэ тутуллан
Кини дьаалы хаһыыта
Киэһэ хатан дьыбарга
Дуораан буолан тунуйбут,
Дойду баһын доргуппут.
Бу хартыына тыа сиригэр саҥа олох уларыйыыларын
тыаһы үтүктүүнэн уус-ураннык ойуулуур.
Поэмаҕа олох саҥа сүүрээнин сэрэйэн, бэл сылгы-ынах
уратыламмыт:

Атыыр сылгы барахсан
Алтан оттон арахсан,
Баһын умса дьүккүйэи,
Баран-кэлэн хомуйан,
Күргүөм үөрүн күөнтээбит,
Күлүк сиргэ күрээбит.
Манна саха сылгытын күүһэ-уоҕа, тулуура арыллар. С.Ва­
сильев сэрии кэмигэр «Ат ырыата» диэн поэматын айбыта.

11