Page 126 - Сергей Васильев-Борогонскай. Поэт уонна гражданин

Оҕону иитии — уустук үлэ. Ол эрээри оҕону тылынан
ииппэккин, тус бэйэ холобурунан иитэргин ким барыта би-
гэргэтиэ. Үйэ балысханнык сайдыытыгар оҕо аймаҕы бу-
туйар араас куһаҕан дьаллыктар сэриитэ суох эһэр туруктаах-
тар. Оттон оҕого суох омук симэлийэр, кэскилэ кэхтэр.
Сергей Васильев кэскили, сир үрдүгэр дьоллоох олоҕу
оҕонон сирэйдээп көрдөрбүтэ кими баҕарар уйулҕатын хам-
сатар турукка киллэрэр дии саныыбын. Бу хоһоон бөлүһүөктүү
тыллара ааҕааччыны толкуйга түһэрэр. Үрүҥ күн анныгар
ханнык да норуокка тугунан да сыаналаммат баай оҕо буола-
рын чопчу ыйар. Ол иһин кини оҕону «өлбөөдүйбэт үрүҥ
күшгэ» тэҥниир. Оҕо курдук кир-хох сыстыбатах ыраас, сыр-
дык санаалаах суоҕун «саппаҕырбат сандал сааһынан» диэн
строкаларынан бигэргэтэр. Мантан сиэттэрэн, оҕо барахсан
ыал ымыыта, кэхтибэт кэскилэ, о л охнут оһуора буоларын
тоһоҕолоон маннык этэр:
Оҕо -
өлбөөдүйбэт урук кун,
өлбөт-суппэт уһун уйэ.
Оҕо -
Салыйбат итии таптал,
Саппаҕырбат сандал саас.
Сэриинэн ииримтийээччилэр, дьон-аймах олоҕун огдо-
лутар араас албастаахтар албын дьаллыктарынан аралдьытан,
алаһа дьиэлэриттэн тэйитэн, оҕолорун умуннаран тыыннаах
тулаайаҕа оҥорон харах уутунан сууннаралларын бу курдук
строкаларынан тиэрдэр:

Дьону кырганнар, ыарыыны ыһаннар,
Тулаайах хараҕын уутунан сууннараллар.
Поэт апыгы үйэ сайдыыта балысханын курдук олох со-
дула эмиэ оппук улахан буолуохтааҕын сүрэҕинэн-быарынан
сэрэйэр. Бүгүҥҥү олохпут тэтимин курдук сүрдээх күүстээх-
тик дьайар дьаллыктар: арыгы, наркотик, автомат, компью-
тернай кулууптар оҕо ньулдьаҕай санныгар сүктэриллэн, ситэ
илик өйүгэр-санаатыгар дьайан, олохсуйар түгэннэрэ баар
суол. Олус ыар дьаллык ыһыктыбаттыы ыллаҕына, оҕо бүтэр
уһукка тиийиитэ, хас ыал аанын тоҥсуйан, норуот дьылҕаты-
гар охсуута улаатар туруктаах.
124