Page 131 - Сергей Васильев-Борогонскай. Поэт уонна гражданин

бэчээттэммиггэрэ кэрэхсэбиллээх. Оскуола оҕолоругар олоҥхо
ис хоһоонун, сюжетын, дьүһүлгэннэрин, уус-уран ньымала-
рын тиэрдэргэ бу олоҥхолор олус табыгастаахтар, сөп
түбэһэллэр.
Хас да сыллааҕыта «Мин олоҥхо дойдутун оҕотобун»
фестиваль саҥа тэриллэр кэмигэр Уус-Алдан улууһун Найа-
хы орто оскуолатын учуутала Е.П.Рожина «Эрчимэн» диэн
олоҥхоһут оҕолор студияларын арыйан, олоҥхону биирдии-
лээн даҕаны, кыттыгас да толороллорун тэрийэ сылдьыбыта.
Олоҥхо уһуйааннара Саха Республикатын үтүөлээх учуутала
В.И.Троева (Уус-Алдан, Баатаҕай), Е.В.Соколова (Нам),
М.В.Николаева (Сунтаар Күүкэй) уо.д.а олоҥхоһут оҕолору
бэлэмнииллэригэр С.Васильев бэчээккэ тахсыбыт олоҥхоло-
рун үгүстүк туһаналлар. Суруйааччылартан Сергей Васильев
оҕолорго анаан олоҥхону суруйбутун тоһоҕолоон бэлиэ-
тиибит.
Поэт суруйбут олоҥхолорун ааҕан, чинчийэн көрдөххө,
оҕо өйүгэр-санаатьҥар сөн түбэһэр, өйдөнүмтүө тылларынан,
олоҥхо ис хоһоонун биэрэргэ дьулуспут. Кээмэйдэринэн бэрт
тэттиктэр эрээри, автор олоҥхо сюжетын кылгастык толору
биэрэргэ дьулуспут. Билигин баар ийэ олоҥхоһут Д.А.Том-
ская былыр да оҕо-аймахха анаан кылгас тэттик «сээм» олоҥ-
хону толоруу үгэһэ баарын ыйар. Маннык олоҥхо икки-үс
чаас, ол аата биир киэһэ, сулбу соҕустук толоруллар эбит.
Сергей Васильев олоҥхолорун ааҕан көрдөххө, кээмэйдэри­
нэн бэрт тэттиктэр эрээри, тыла-өһө чочуллубут, ааҕарга анаан
суруллубута көстөр. Фольклор улахан пропагандиһа ф.н.к
Г.В.Попов «Олоҥхону оҕолорго анаан оҥоруохха» диэн ыс-
татыйатыгар: «Оҕолорго анаан оҥоһуллубут олоҥхолорго эр-
гэрбит, өлүкгүйбүт тыллар манна аҕыйатыллаллар, онон олоҥ-
хо тыла ордук өйдөнүмтүө. Олоҥхо тылын баайа, кини сүрүн
уратылара улаханнык сүүйтэрбэттэр. Сүрүн ис хоһооно он-
нунан хаалар, улахан сүтэрии тахсыбат. Хата, төттөрүтүн,
олоҥхо композицията ордук кудуххайдык сайдан, эдэр ааҕаач-
чыны тардар күүһэ улаатара дуу диэҕи баҕарыллар», - диэн
түмүктээн суруйуута Сергей Васильев олоҥхолоругар ордук
сыһыаннаах. Кырдьык даҕаны, поэт суруйбут олоҥхолорун
сюжеггара судургу, тыллара-өстөрө өйдөнүмтүөлэр, уус-уран
хоһоонноон этиилэрин кэккэлэрэ кылгастар, хос-хос хаты-
лаан этиилэр манна аҕыйатыллыбыттар. Олоҥхолор сюжет-

129