Page 121 - Сергей Васильев-Борогонскай. Поэт уонна гражданин

Ол курдук оскуолаҕа «Бырастылаһыы», «Андаҕар» (8 кыл.),
«Кылбаҥнаа эрэ, кылыһым!» (11 кыл.) диэн сэрии сыллары-
гар суруллубут поэмалара үөрэтиллэллэр.
Чопчу кылаастарынан араарбакка уопсай ылан үөрэтии
ньымаларыгар тохтоон ааһыам. Од курдук, Сергей Васильев
фольклор тылын-өһүн хойуутук туттар, тылы баһылаабыт су-
руйааччы быһыытынан биллэр. Кини айымньыларын ты-
ла-өһө сытыы, мындыр.
Оскуолаҕа тыл уйулҕатыгар, ис номоҕор киллэрэргэ дьу-
луһуу кыайтарбат. Үөһэ этиллибитин курдук, Бороҕонскай
айымньыларыгар фольклор тыла-өһө баһыйар, онон оҕо
поэма сорох тылларын суолтатын өйдөөбөтө үгүс. Үөрэнээч-
чи ааҕар айымньытын тьшын-өһүн суолтатын өйдөөбөккө,
үрдүнэн ааҕан кэбиһэр буоллаҕына, кини айымньыны ылым-
мат, тугу аахпытын өйдөөбөт. Ол инниттэн оҕолорго айым-
ньылары үөрэтии кэмигэр тута тыллар суолталарын ырыты-
һан иһии, бэйэлэрэ тылдьыттан булан суруналларыгар тыл-
дьыт тэтэрээт оҥотторон, сороҕун дьиэҕэ сорудахтыыр сөп.
Оҕоҕо маннык тииптээх сорудахтары биэрэр, оҕо бэйэтэ
көрдүү, хасыһа-була сатыырын уонна үөрэтиллэр темаҕа ин-
тэриэһи ситиһиэххэ наада.
Иккиһинэн, поэмалар темалара, суруллубут кэмнэрэ —
сэрии кэмэ. Поэманы ааҕыыга киириэх иннинэ оҕолорго сэ­
рии суостаах-суодаллаах сылларын туһунан кэлсээһин,
оҕолорго эмиэ кэпсэттэрии, оҕо турукка киириитигэр эйгэни
үөскэтэр. Дьэ бу кэнниттэн ааҕыыга киирдэххэ, оҕо интэриэ-
һин көбүтүөххэ сөп.
Поэманы кэрчиккэ арааран ааҕыы, аахтарыы, ырытыһан
иһии уонна сөптөөх сорудаҕы, ыйытыыны биэрии, оҕо тута
айымньыны өйдөөн, ылынан иһэригэр көдьүүстээх дии са-
ныыбын. Оттон поэманы бүтүннүү тохтоло суох ааҕыы
көдьүүһэ суох, оҕо айымньыны өйдөөбөт, ылыммат.
Айымньы проблематыгар оҕолорго сорудахтаан булларыы,
үөрэнээччи бэйэтин санаатын аһаҕастык этэрэ ирдэнэр, оч-
чоҕо толкуйдуур эргимтэтэ кэҥиир.
Поэмалары толору ааҕан ырытыһан баран, оҕолорго
нойосуус үөрэтэллэригэр сорудах биэрэр оруннаах. Оҕо су-
руйааччы литератураҕа туспа суолун, айымньытынан тугу этээ-
ри гыммытын билэн баран үөрэтэригэр чэпчэки буолар.

119