Page 49 - Сергей Васильев-Борогонскай. Поэт уонна гражданин
P. 49
оҕолорун илдьэ сылдьар этибит. Онно Сергей Васильев эмиэ
баар буолар этэ.
Ньурбаҕа райисполком бэрэссэдээтэлинэн үлэлии сыл-
дьан, Ньурба пааркатын туттарбытын, билигин ол пааркаҕа
ыһыахтыылларын кэпсииллэр. Дьэ, ити курдук ханна да үлэ-
лээтэр, саҥаны, сонуну, суолун-ииһин хаалларан, боростуой
норуокка уос номоҕор сылдьар.
Кини уһуну-киэҥи саныыр, өтө көрөр салайааччы этэ.
Сергей Васильев 60-с сс. саҕалаан, республикаҕа сылгыны
иитии боппуруоһун сытыытык туруорсубута. Бу барыыстаах
салаа буоларын дакаастаан, республика оччотооҕу салалта-
тын кытта үгүстүк киирсибитэ.
Кини радиоҕа уонна «Кыым» хаһыакка олоххо туһалаах,
субу тирээн турар бонпуруоска проблемнай, публицистиче-
скай ыстатыйалары бастакынан суруйбут суруйааччылартан
биирдэстэрэ буолар. Кини суруйбут публицистическай ыста-
тыйата үгүс кэпсэгиилэри, мөккүөрдэри таһаарара.
Кини олоҕу кэскиллээхтик толкуйдуурун, ырааҕы көрөрүн
уонна төрөөбүт тыла, литературата салгыы сайдарын, үйэ-
лээх буоларын туһугар ис сүрэҕиттэн кыһаллыбытын билэ-
бит. П.А.Ойуунускай «Дьулуруйар Ньургун Боотур» олоҥхо-
тун үйэтитэр сыалтан нууччалыы тылбаастыахха диэн санаа-
ны Сергей Васильев эппит. Улахан олоҥхону тылбаастыырга
элбэх харчы наада этэ. Оччолорго Николай Якутскай Саха
АССР Верховнай Советын депутата эбит. Кини көмөтүнэн
«Дьулуруйар Ньургун Боотур» тылбааһыгар 40 тыһ. солк. харчы
ууруллубут. Сергей Васильев тылбаас үлэтигэр Эллэйи,
Г.М.Васильевы, Н.А.Габышевы, Семен Руфовы уо.д.а. бул-
бут. Онон бу олоҥхо тылбаастанан тахсар акылаатын маҥ-
найгынан Сергей Степанович Васильев уурбут. Бу туһунан
Николай Якутскай ахтыытыгар «Ис сүрэхтэн кыһалларын
өйдүүрүм» диэн Сергей Степанович 80 сааһын туолуутугар
1987 с. «Кыым» хаһыакка суруйбута.
Куорат мэринэн үлэлии сылдьан, С.Васильев Новгород
уобалаһыгар делегацияны салайан сылдьыбыта. Ол сэриигэ
биэс төрөппүт уолун сүтэрбит Февронья Малгина диэн
83 саастаах кырдьаҕас ийэни арыаллаан илдьэ сылдьыбыта.
Нуучча уонна саха норуотун доҕордоһууларыгар олук уурбу-
та. 1968 с. поэт «Ытык Ильмень» диэн баллада поэманы су
руйбута.
47
