Page 54 - Сергей Васильев. Өлбөт өрөгөй

Москва —
Хайа саалын курдук,
Халыҥ аррастаах,
Очуос оройун курдук,
Улуу мөҥүөннээх,
Уончалыы этээстээх,
Улахан дьиэнэн үрдээбит,
Катит иэннээх,
Кирпииччэ дьиэнэн кэккэлээбит,
Киэҥ Ийэ дойду
Киин куората буолар эбит!

Москва,—
Хайдыы дириҥ эмпэтинэн
Халҕаһа дохсун сүүрүк
Халыһыйа сытарын курдук,
Хара килэҥ лаахтаах,
Халыан үгүс массыына
Хардары-таары устар,
Халтархай уулусса буолар эбит!
Москва —
Икки атахтаах санаата
Илим кылыныы иилистибитин,
Сырылаччы сыыйа анньан,
Сыалын ыйан биэрэ олорор,
Сытыы өйдөөх чулуулара
Сыстыһан үлэлиир сирдэрэ буолар
эбит!
Москва —
Халаан уутун кытыытыгар,
Хантайа-хантайа, ханалдьыйар,
Халыҥ түөстээх хаас курдук,
Ханайбыт хатын дьахтар,
Оҕолору мунньан оонньотор
Уһуордаах сада буолар эбит!
48